طبعاً العادات القديمة أكيد حلوة ..بس المشكلة إنها عم تسبب إرهاق كبير للعروسيين والأهل ..
طيب إذا رح نحط الأمور المادية على جنب ورح نحكي عن الوقت والتعب للعرسان, اللي أقل شيء رح يضطر يوقف شي ثلاث ساعات للمباركة من قبل الأهل والأصدقاء والمعازيم ..وكمان على الأيام اللي رح تسبق العرس يعني طبل وأغاني شعبية على باب أهل العريس قد تصل لمدة أسبوع في بعض الأحيان قبل العرس !! وبيسموها التعالييل وبعد التعاليل بننتقل لمرحلة حنة العروس (صارت إسمها الصمدة ببعض المناطق) وهيي عبارة عن حفلة للعروس وبعدها الحنة للعريس وكمان عبارة عن حفلة وسهرة وبعدها بكون يوم الزواج وأكيد بعد الزواج بيكون حفلة الزواج اللي بتستمر لساعات الفجر الأولى !!
وهون طبعاً إختصرنا الزفة لبيت العريس (أغلبها صارت بالسيارات) والعروس لازم أحياناً تكسر جرة وأحيانا تلصق عجينة على باب البيت .. حسب الضيعة والأهل وعاداتهم ..
وطبعاً إذا ماكان في سهرة بالليل لازم هالعالم والضيوف يتغدوا على حساب العريسوبيسموها (الكرمة) وهيي عبارة عن مناسف من اللحم و الرز مع اللبن ..
وغيروا وغيروا وغيروا ...
طبعاً عطيت لمحة سريعة عن العادات بسبب ضيق الوقت ..وإنشالله هيك موضوع مدعوم بالصور بنزلوا على المنتدى (قولوا إنشالله)

حلوة هالعادات أكيد حلوة مافي إثنين بيختلفوا على الموضوع ..بس تعب كتير وإرهاق للأهل والعرسان .

__________________