| مشاهدة النسخة كاملة : بوناسيرا Maya 16-09-2009, 03:44 AM هااي انا ميوش مشتركة جديدة ولأني بحب سورية كومايات:loveu: ومتغربة عنها ..فكنت عم بحبش بالنت عن موقع جست سوري فوصلت لهون يعني عز الطلب ....اي بس فإنو شوية ترحيب مشان المعنويات سلاااااام:bye: wessam 16-09-2009, 04:13 AM هااي انا ميوش مشتركة جديدة ولأني بحب سورية كومايات ومتغربة عنها ..فكنت عم بحبش بالنت عن موقع جست سوري فوصلت لهون يعني عز الطلب ....اي بس فإنو شوية ترحيب مشان المعنويات سلاااااام:bye: أهلا وسهلا ومرحبا فيكي معنا ميوش :flower: ناطرين منك كل جديد و مميز ..بدك تعتبري حالك بسوريا لما تتواجدي معنا بالمنتدى:rolleyes: تقريبا كل الأعضاء مغتربين و بيجمعنا الشوق لسوريـــــــــا :syria: مرة تانية بقلك مرحبتين وأهلا وسهلا فيكي بمنتداكي بانتظار بكرا شوف منك أول موضوع Feras 16-09-2009, 09:07 AM ولك أهلا وسهلااا.... باللي جاااااااااااااااااااااي ياا مرحباااااااا .... باللي جاااااااااااااااااااي .............................. طاخ طاخ طاخ (طلقات عيار ناري من أحد الاخوان الشبيحة ) طاطاطاطاطاطاطاطاخ ططططاخ ططططططططططاخ (طلقات من نوع آخر - من أحد الاخوان الشبيحة أيضآ, بس شغلتو أكبر من هداك الأول) وصلوا علىىىىىىىى محمد ... زين زين كحيل العين ... وعااااريسنا ..... صلووووووووووووا عليه ...... وليليليليليليليليليليليليليششششششششششش (زغاريد شعبية - يعني زلغوطة) وتبدأ العراضة ترحيبآ ب مايا (يلي ملقبة ميوش) ومسا الخير ومسا الخيييييييير الله يمسيكم بالخير الله يمسي حارتنا ياللي مشملة حملتنا مسا الخير جمعية إسلام ومسيحية دج دجدج دج دجدجدجد دج و ددددج دج ................. (صوت طبل) ويا سباع البر حومي اشربي ولا تعومي اشربي من بير زمزم زمزم عليها السلام يا سلام اضرب سلام علي مظلل بالغمام والغمامة غامتو غامتو ما لامتووووو غامتو خوفاً عليه وعلينا وعليه وعلى من حج إليه محمد زين محمد زين محمد يا كحيل العين هدهد هدهد ياطير عنا الك خبر بالليل يمكن شر ويمكن خير واللي يعادينا نحاربو بالسيف نقطع شواربو والعزابي يا دلو ما في مين يغسلو صابونتو بجيبتو الله يخليلو ميمتو حامل بقجة قمصانو وداير على جيرانو روح تجوز روح روح حاجة تبصبص عالأسطوح لاتاخد بنت البلكون لو لبست لك كل يوم لون خود البنت المستورة ولو كانت فكحة وعورة اسمر يا بو الجديلة دخيل عيونا الكحيلة وأنا ميت على عيونا مدفعنا عيارو تسعين ست عشر بطارية بيرقنا بثلاث شكال وحكومة عربية ........ وعريس الزين يتهنا يطلب علينا ويتمنى عريس الزين يا غالي ويا مسهرني الليالي عريس الزين ما بيعو لو جبلي الدهب غالي شن كليلة شن كليلة شن كليلة شو هالليلة شو هالليلة ما أحلاها للحبايب بنتمناها من هالليلة من هالليلة من هالليلة صرلو عيلة طقي وجني حيص بيص نحنا في معنا عريس اضرب واجرح لا تخاف وين السبعة يجاوب تسعة وين ستندر وين ستار يا ستندر مالك خرسان ويا فشك ما لك غليان سمعني الصوت الرنان وان هلهلتي هلهلنالك حطينا البارود قبالك وان هلهلتي يا نشمية واحد منا يقابل مية Maya 16-09-2009, 05:02 PM ههههههه عنجد اضحكت من قلبي وانبسطت بالعراضة خيرات الله واتخيلت اني محمولة عل الاكتف وعم حيي الجمهور شكرا عنجد فراس وشكرا لوساام Feras 16-09-2009, 05:07 PM لأ ... هيك بدنا نتزاعل .... إتخيلي الي بدك ياه إلا إنك تحيي الجمهور - هاي تركيها لناسها-.... محمولة على الاكتف وعم تحيي الأهل والأقارب والأصدقاء وبسسسسسسسسسسسسسسسسسس Maya 16-09-2009, 05:12 PM يا عمي انت مكان اقامتك بالبيت يعني بيتكون اكيد قريب ع بيت خالتك:oops:...!! وعمتك وعمك وستك وجدك ;) بس انا مو هون بنوب:biggrin2: Feras 16-09-2009, 05:25 PM ليكون مبالك مصر أحسن ..... غلطاني كتير wessam 17-09-2009, 12:03 AM ههههههه عنجد اضحكت من قلبي وانبسطت بالعراضة خيرات الله واتخيلت اني محمولة عل الاكتف وعم حيي الجمهور شكرا عنجد فراس وشكرا لوساام شو ميوش وين الموضوع:mmmmm: صرلي من مبارح ناطر ولهلأ ماشفت شي:oops: Maya 17-09-2009, 01:02 AM شو ميوش وين الموضوع:mmmmm: صرلي من مبارح ناطر ولهلأ ماشفت شي:oops: طول بالك رح نزل مواضيع تهز الدني :flamethrower: بس لحتى استقر وزبط اموري بالمنتدى لسا هي وصلتي يعني مكركبة شوي بتعرف نقلة جديدة :peace: Issa 17-09-2009, 01:03 AM أهلا بصديقتنا الجديدة مايا (Maya) فينا نقول كسبنا صديقة جديدة وكبرت عيلتنا.. وإنشالله بنشوف منك مشاركت مميزة .. الشباب طلعوا قدها وقدود وعوضوا عن غياب الصبايا ..(تحضير للعيد ..) أهلا وسهلا فيكي.. ومثل ماشفتي الشباب والصبايا هون آخر رواق وبدون مبالغة رح تشوفي الإلفة والمحبة الموجودة بين الأعضاء مو موجودة بمكان تاني ..وهذا الشيء اللي بميزنا عن غيرنا ... تحياتي .. wessam 17-09-2009, 01:05 AM أهلا بصديقتنا الجديدة مايا (Maya) فينا نقول كسبنا صديقة جديدة وكبرت عيلتنا.. وإنشالله بنشوف منك مشاركت مميزة .. الشباب طلعوا قدها وقدود وعوضوا عن غياب الصبايا ..(تحضير للعيد ..) أهلا وسهلا فيكي.. ومثل ماشفتي الشباب والصبايا هون آخر رواق وبدون مبالغة رح تشوفي الإلفة والمحبة الموجودة بين الأعضاء مو موجودة بمكان تاني ..وهذا الشيء اللي بميزنا عن غيرنا ... تحياتي .. حسيت حالي عم شوف شي دعاية..لسنا الوحيدين و لكننا الأفضل:peace: بس شو بدكم بالحكي..كلامو جواهر:heartey2: Maya 17-09-2009, 02:36 AM أهلا بصديقتنا الجديدة مايا (Maya) فينا نقول كسبنا صديقة جديدة وكبرت عيلتنا.. وإنشالله بنشوف منك مشاركت مميزة .. الشباب طلعوا قدها وقدود وعوضوا عن غياب الصبايا ..(تحضير للعيد ..) أهلا وسهلا فيكي.. ومثل ماشفتي الشباب والصبايا هون آخر رواق وبدون مبالغة رح تشوفي الإلفة والمحبة الموجودة بين الأعضاء مو موجودة بمكان تاني ..وهذا الشيء اللي بميزنا عن غيرنا ... تحياتي .. ميرسي Issa بدي قول عنجد انو كلكون لذيذين كتير والمواضيع يلي هون حلو ومميزة بحس اني ببلدي بس كون هون يعني اللهجة والنهفات والمزحات جست سيريا وعلى فكرة توقيعك كتير حلو وعجبني أحيانا في التأني الندامة سلااام Issa 21-09-2009, 11:02 AM وسام ..ياخيي إذا ماحدا "وجبنا" وحكى عنا شو بنظل ساكتين !! ..نحنا "بنوجب" بحالنا وبنحكي عن بلد ..:nuts: مايا شكراً إلك ..ونحنا كمان كتير سعداء كتير بإنضمامك لعيلتنا ... بالنسبة للتوقيع أنا كتير بحبوا بس بتصدقي بعد هالأزمة المالية العالمية خفت منوا .. لأنوا التسارع اللي صار بالعالم وتضخم الأموال والمشاريع الكبيرة .. توقفت كلها قدت لخسائر كبيرة .. مشان هيك بدك نصيحتي في الوت الحالي خليكي على في التأني السلامة ..إلا إذا كنتي بتحبي السرعة بالسيارات فهالمثل بيطلع دواء لإلك .. تحياتي .. |