السؤال هوي :
الدكتور كتب على الدواء أنوا حبة بعد الغدا وحبة بعد العشا ..
وأنواع مختلفة ومتعددة من الأدوية ..

1- شو الضرر إذا أخذت الدواء بدون وجبة الغداء (يعني بس كاسة مي)خلال ساعات العمل ..
2- شو الضرر إذا تأخرت عن شرب الدواء لمدة ساعتين مثلاً ؟
3- عدم أخذ الدواء لمدة يومين أو ثلاثة وبعدها معاودة أخذ الدواء بدون الرجوع للطبيب ؟
4- بين الغدا والعشا بالحالة الطبيعية هوي 8 ساعات .. طيب إذا تناولت الدواء الساعة 12 الظهر والساعة 12 بالليل ما بكون أحسن ؟

وشكراً لمشرفنا المميز ..

السؤال هوي :
الدكتور كتب على الدواء أنوا حبة بعد الغدا وحبة بعد العشا ..
وأنواع مختلفة ومتعددة من الأدوية ..

يازلمة شو هالأسئلة؟؟حاسس حالي بالفحص:laugh3:
1- شو الضرر إذا أخذت الدواء بدون وجبة الغداء (يعني بس كاسة مي)خلال ساعات العمل ..

الضرر بانو مابستفاد من الدوا لأنو طبيعة الدوا انو بدو حموضة المعدة تكون عند حد معين لحتى تتحرر المواد الدوائية من الحبة أو الكبسولة أو أيا كان ويستفاد منو الشخص، غير انو اذا أخدت الدوا على معدة فاضية بتضر معدتك وممكن تسببلك أمراض منها القرحة (لاسمح الله)..

2- شو الضرر إذا تأخرت عن شرب الدواء لمدة ساعتين مثلاً ؟

الضرر انك بتأخر عملية الشفاء وحتى انك ممكن تخلي الدوا بدون فائدة بالنسبة الك وماتعود تستفيد منو.. لأنو يعني بعد مايكون الجسم وصل لمرحلة معينة من مقاومة المرض ويصير بدو الجرعة التالية لمساندته وبتجي انت بتتأخر بالجرعة فبتخلي المرض يرجع يستجمع قواه ويقهر الدوا وعالتكرار ممكن انو يكون مناعة ضد الدوا وبالتالي مابتستفيد من الدوا...

3- عدم أخذ الدواء لمدة يومين أو ثلاثة وبعدها معاودة أخذ الدواء بدون الرجوع للطبيب ؟

مشابه للجواب الماضي

4- بين الغدا والعشا بالحالة الطبيعية هوي 8 ساعات .. طيب إذا تناولت الدواء الساعة 12 الظهر والساعة 12 بالليل ما بكون أحسن ؟

كمان متل يلي قبلهم ومنشان هيك بحددولك كم مرة تاخد الدوا باليوم مرتين أو 3 أو 4 أو 6 أو 8 أو حسب الحالة والدوزا، لأنو تأثير الدوا بيخلص بعد 8 ساعات فمابصير تاخده بعد 12 ساعة..

وشكراً لمشرفنا المميز ..

:thanx: خجلتني



ان شاء الله يكونوا الاجابات واضحين ومفهومين وأي استفسار تاني، أنا مستعد دائما

معلومات اضافية: لازم تشرب الدوا بس مع المي، يعني مابصير عصير أو كولا أو شاي..
والمي لازم ماتكون باردة كمان حتى ماتأثر على عملية خروج أ, تحرر المواد من الحبة..

مفهومين وواضحين ...
بس كمان شوية أستفسارات لوسمحت ..

يعني إذا الدكتور قال حبة بعد الغدا وحبة بعد العشاء ..معناتوا الوقت بين الحبة الثانية وحتى نآخذ الحبة الأولى أكثر من 12 ساعة ..

اتركوا عيسى والله شكلوا مو عرفان الله وين حاطوا شوف الاجابات شلون فايتة بالحيط
بعدين لشوا كل هالاسئلة خير انشالله مين مريض
الله لايحيجك لدواء

مفهومين وواضحين ...
بس كمان شوية أستفسارات لوسمحت ..

يعني إذا الدكتور قال حبة بعد الغدا وحبة بعد العشاء ..معناتوا الوقت بين الحبة الثانية وحتى نآخذ الحبة الأولى أكثر من 12 ساعة ..



القصة ومافيها انو بعض الأدوية بتتاخد بس مساء واذا أخدها الانسان الصبح فما بتعطي فائدة (طبعا علميا عم نحكي)، والسبب هو انو بعض الاعضاء بجسمنا بتتأثر بضوء الشمس

اتركوا عيسى والله شكلوا مو عرفان الله وين حاطوا شوف الاجابات شلون فايتة بالحيط
بعدين لشوا كل هالاسئلة خير انشالله مين مريض
الله لايحيجك لدواء

خير خير غنوة!!! شو قصة الفهم عندك ليش صايرة مش ولابد:hithim:
راجعت الأجوبة وشفتها مفهومة وعيسى كمان قال انها مفهومة بس العترة عليك :embarassedlaugh: ياحرام:(

شكراً وسام ..وصلت الفكرة أنوا لازم الواحد مايتشاطر أبداً بهالخصوص ويلتزم بكلام الطبيب بالحرف الواحد ..

بس الأسئلة كانت لحتى الواحد يعرف يتعامل مع حالات أستثنائية مثل حالات إذا نسسي الشخص أخذ الدواء وماتذكر إلا لبعد عدة ساعات ..الأفضل إنوا يآخذ الدواء فوراً أو ينتظر لموعد الحبة القادمة
وكمان أحياناً ممكن ينفقد الدواء لعدة أيام لحتى يحصل عليه الشخص ..كمان هلق صرنا نعرف الأضرار المترتبة في هالحالة ..

من فترة كان في حملة في أبوظبي بأشراف وزارة الصحة بهالخصوص ..وهي توعية الناس على طرق تخزين الدواء وشرب الدواء أنا شخصياً بشوف في فقر بهالمعلومات بشكل عام بين الناس ولازم حملات توعية كبيرة بهالمجال...

شكراً كثير ..وأكيد إذا خطر على بالي أسئلة جديدة رح أسألك أياها حتى يستفاد منها أكبر قدر ممكن من الناس ..