شباب هذه الايام ما فيهم خير !!
الزمان تغير ومو مثل اول!!
ياليت ايام زمان ترجع كانو الناس اخوان!!
وكل شيء كان له طعم!!

هذهالكلامات وغيرها نسمعها كثيرا تتردد في مجالس كبار السن
دوما وفي الغالبيه يرون ان هذا الجيل لا يصلح لتحمل المسؤوليه
وان زماننا في كل اطرافه زمان لا يصلح للمعيشه
نسمعهم يتحسرون على ايامهم الماضيه ويصفوننا ويصفون زماننا بامور غريبه


فهل نظرتهم صحيحه ام انها خطأ ؟

وهل هم دوما محقين فيما يذهبون اليه ؟

وهل يخلو عصرنا من كل شيء جميل لهذه الدرجة التى يرونها ؟

بالنسبة لرأيي الشخصي ،، في البداية لابد أن نسأل من يقول ذلك ماهو مقياس الفشل لدية ،، ثم لماذا التعييم لكل الجيل ،، فلكل جيل سليبات وإيجابيات و كلمة الفشل كلمة كبيرة لا تطلق بدون سبب واضح ومقنع .. مااتوقع اننا جيل فااشل بالعكس كثير ناجحين مننا بس بصراحه زمننا تبدل وصار أقسى من أول والطيبه صارت نادره بهذا الوقت اتووقع هذا اللي يقصده اللي يقولون هذا الكلام وغالباً هم الكبار بالسن ...


فهل نظرتهم صحيحه ام انها خطأ ؟
لا
وهل هم دوما محقين فيما يذهبون اليه ؟
لا
وهل يخلو عصرنا من كل شيء جميل لهذه الدرجة التى يرونها ؟


شكرا ألك على هالموضوع الرائع
تقبل مروري :hearts:
لا

شكرا رولا على ردك الحلو ورئيك من رئيي

مرحبا وشكرا على مواضيعك المميزة.
في متل عنا "لكل وقت ادان"..لهيك مافي قواعد ثابتة بتطبق دائما بكل المجتمعات .
بس الاكيد انو في ثوابت ,قد ما حاول اي مجتمع يتخطاها ..للأسف رح يتفاجأ بالتطرف الي بينتج عن هالتغيير.
يعني الامور مابتعود ضمن الحدود المقبولة او المتعارف عليها.
أنا مع كل جديد بيطورنا وبيرتقي بفكرنا وبقيمتنا كبشر أولا وكعقول ثانيا..
بس ضد كل الي بيتسمى تطور بسوقنا لوجهة منضيع فيها.
ومتل ما قلت الأمور نسبية يعني المقبول هالايام,كان مرفوض قبل
والي انقبل بالماضي كان مرفوض من الجيل الي قبلو..وهيك
والصفات الي بيتحسرو عليها الكبار يمكن كانت موجودة بأيامون بس أكيد كان في غيرها صفات ضايعة.
ولو كان في"فكر"صاحي وواعي للدرجة الي بيتمنوها ماكنا وصلنا لهون..محل وصلنالو بالتتابع جيل عن جيل, لانو كل جيل كان بيحمل نقص.
*والله ينجينا من الآت..!!*

أنا برأيي أنو جيلنا إتطور كتير عن الأول بأمور التكنلوجيا والعلم وهالقصص هاي .... بس كمان مافينا ننكر إنو هالتطور هادا خلانا نصير إتكاليين إلى حد ما ... ولا حدا يقلي غير هالحكي , إلا إذا كان عمرو بيتراوح ما بين السبعين و التسعين سنة .... أنا واحد من الشباب إذا بركض عشر متار بضل إسبوع معضل ما بقدر إتحرك , شغلي بمكتب ومشاويري يا أما بسيارة أو تكسي, أو بحل أموري بالموبايل ... التكنلوجيا صارت تفكر عني وتشتغل عني بكتير مجالات , إذا بدنا نجمع 1+1 منفتح الموبايل وما منتعب حالنا نحسبها بعقلنا ... أنا برأيي الشخصي , إذا منشيل التكنلوجيا والتطور على جنب ومنقارن بين جيل الشباب بالماضي وبيننا هلأ .... منطلع نحنا شلة طانطات مو ناقصنا غير علكة نعمل فيها بالون ونطقش بالشارع ...
ع كل حال أنا هادا رأيي الشخصي , والتطور حلو بكل أشكالو ... لكن في مقابل
وشكرآ كتير وباي

إذا منشيل التكنلوجيا والتطور على جنب ومنقارن بين جيل الشباب بالماضي وبيننا هلأ .... منطلع نحنا شلة طانطات مو ناقصنا غير علكة نعمل فيها بالون ونطقش بالشارع ...
يعني الدنيا مابتخلى ..بدليل الناس الي اخترعو الموبايل الي عمتحل امورك فيه ومصممين السيارة الي عمتقضيلك مشويرك وشغلك.
يعني في مروة وفي قلة مروة,ومامعقولة انا نحمل التكنولوجيا والتطور مسؤولية اتكالنا عليها لانها الطريقة الاسهل والاسرع.
يعني فينك تنزل ع الشارع وتشوف الناس لا زالوا بيستخدموا اجريهم ومو دائما شاغلهم الموبايل أو الانترنت ..
يعني لازال في فئات كتيرة مهتمة بالقراءة والكتابة والادب والبحث العلمي .
وطبعا بكل خطوة بنخطيها لقدام لازم نكون ودعنا امور تانية على حسابا وهدا الشيء الطبيعي "باعتقادي".
لهيك لكل جيل حسنات ومساوء اما المساوء الي عنا ..هي المغالات بكل تفاصيل غير مهمة متل اللبس ,وانفتاح المجتمع بكل فئاتو على بعض بطرق كتير غلط...الخ.
:wavey:

الحكي يلي عم يصير انو نحنا جيل فاشل
طيب ليش انو نحنا جيل فاشل
هيك بدون اسباب بدون مبررات يعني يلي بدو يقول هيك لازم يكون عندو سبب
ولا بدنا نمشي على متل اكبر منك دوم افهم منك دوم؟؟

شكرا ألكون على ردودكون الحلوة وأرائكون الأحلا
جيل اول غير ويلي هلأ عم نشوفوو من زمان موجود عند الغرب
شيل التكنولوجيا وشيل السيارات وشيل الموبايل
لا تخلي شي قدامك عطوني سبب مقنع لا يقولوو عنا جيل فاشل
كلمة فشل كلمة كبيرة كتير
لك اذا بتمشي بالشارع وبتشوف اي ولد بيشتغل على بسطة
بتسألو بتعرف تكتب بيقلك اي..
وين ما بتروح ما بتلاقي حدا قاعد بدون شغل..
من كانو الدكاترة بينعدو على ألصابع..

عم دور بمخي على تفسيير لا كلمة فشل مو عم لاقي
اناا سألت تلت اسئلة وما جاوبتو عليها ؟؟

طيب مزال التطور برئيهون هوي الفشل

شو هوي النجاح

شكرا لا مروركون الكريم

يعني النجاح انو الواحد يتجوز بكير ويخلف 12 ولد
وهاي هيي الشغلة الوحيدة يلي كانو شاطرين فيها يلي قبلناا