تعمد رجل في إنجلترا ترك متجره مفتوحا دون عمال في ثاني أيام الاحتفالات بأعياد الميلاد (الكريسماس). ووضع الرجل صندوقا داخل المحل كتب عليه "صندوق الامانة" ليضع فيه الزبائن ثمن البضائع التي يحصلون عليها. ولم يخذل "الزبائن الذين يتسمون بالامانة" صاحب المتجر حسن النية الذي عثر بالفعل علي 187 جنيها استرلينيا في الصندوق كما ترك بعض الزبائن عبارات شكر بجانب الصندوق. وذكر تقرير نشرته صحيفة "ديلي ميل" البريطانية أن صاحب المتجر 47 عاما المنحدر من شمال شرق إنجلترا أراد هو وجميع العاملين في المتجر قضاء احتفالات أعياد الميلاد مع أسرهم ولذلك ترك متجره مفتوحا مع رسالة للزبائن. وجاء في الرسالة:"إنه ثاني أيام الكريسماس وطاقم العمل في عطلة..اخدموا أنفسكم بأنفسكم ، لا يوجد في المتجر غيركم" وأعرب صاحب المتجر في ختام الرسالة عن أمنياته للجميع باحتفالات سعيدة ثم طلب منهم وضع ثمن البضائع التي حصلوا عليها في "صندوق الامانة".
بالفعل موقف جميل جداً وكان الزبائن أكثر روعة ..:lurk:

مشكور كتير على القصة يلي بعتبرها عبرة, وياترى صاحب المحل كان بيعرف مسبقا انو الزباين رح يعملوا هيك؟ ولا هو خاطر ونال؟!! على كل ذكرتني بقصة سمعتها:
في واحد بانكلترا كان بالباص و رجع له المحصل مصاري زيادة, انتبه عليهم وماكان مبلغ كبير, صار يقول لحاله محرزة احكي وقله ولا بلاها, بعدين قرر انو يحكي وكانت ردة فعل المحصل الاندهاش و قله انا شفتك عربي و عرفت انك مسلم و حبيت جربك لشوف يلي بسمعه عن الاسلام من أمانة و انت أثبتت أمانة الاسلام والمسلمين

أنا ذكرني الخبر بمدير مدرستنا ..
كان بعض الطلاب يصل على المدرسة بحمص الساعة الثامنة وعشر دقائق .. والدوام يبداً الساعة الثامنة صباحاً .. وكانت حجة الطلاب اليومية هيي المواصلات وخصوصاً طبيعة سكن البعض في القرى البعيدة !!
قام المدير جاب إستثناء وعمل الدوام يبدأ الساعة الثامنة والنصف ...وياحزركم شو صار ؟؟
نفس الطلاب صاروا يصلوا على المدرسة الساعة التاسعة إلا ثلث ..!!..
كمان بعد فترة من الإنضباط اللي شهدتها المدرسة على أيد هالمدير الصارم (الله يكثر من أمثالوا) , عمل تجربة وهيي أنوا رح يكون الدوام في المدرسة بدون أي مراقبة ..يعني ممكن لأي طالب يغيب بدون إذن بالإضافة أنوا ممكن لأي طالب أنوا يمتنع من حضور الدروس بدون إذن وحتى بدون عقوبة ..
ياحزركم شو صار ..؟؟
طبعاً من اليوم الثاني للتجربة ماعاد بتلاقي ولاطالب بالحصة الأخيرة !! ..

وسلام ...