Classic
05-11-2010, 10:57 PM
ما بعرف اذا هل الموضوع لازم ينزل هون ولا بقسم الرياضة
بس يلي بعرفو انو بدي احكي و بدي بقها لهل البحصة يلي عصيانة بحلقي ....
لك شو هل العالم هي و شو هل التنظيم هاد .. لك من وين بيخترعو هل الاداريين و المنظيمين هدول ما بعرف ....
لك مفكرين العالم خواريف ولا مفكرينهم بقر ولا شششششووووووو
بلش الدوري السوري لكرة القدم و الله حيو ... ما صدقنا حالنا انو بلش ... وصلت فرحتنا ل قرعتنا انو قررو انو يبلش ...
هاد و بعد تأخير شهر و نص على الموعد تبعو ...
مالنا فيها انو تأخر المهم بلش ...
بعد ما بلش و عين الله عليه ...
اول مفاجئة كانت ... انو الدوري السوري ما فيه مباريات منقولة على اي شاشة من شاشات التلفزيون السوري ...
لا حدا يستغرب و يقول ما بتصير لانو صارت ... وين عنا بسورية بلد الرياضة و الرياضيين ... لك ما فشرتو يكون في شي مباراة منقولة .. لك نحنا ما عنا غير هل الطابة يلي بيركض وراها 22 لاعب ... اي شو هل العلاك المصدي هاد وشو هل المنطق الاعوج ....
تاني مفاجئة كانت ... هادا يا اسيادنا الكرام حددو لعبة بين فريق الوحدة و فريق المجد و هل الفريقين هنن من فرق العاصمة ... يعني ديربي عاصمة ... غير انو مو منقولة المباراة .. قررت انا روح احضر المباراة ل الفريق يلي بيشجعو من نعومة اظافري ... و هو فريق الوحدة ... من قبل المباراة ب كذا يوم ... احتارو القائيمين على اللعبة وين بدها تصير المباراة ... يوم يقولو بملعب العباسيين و يوم يقولو بملعب الفحياء ... ضلينا مدري كم يوم ما بنعرف حالنا وين بدنا نروح نتفرج على المباراة ... المهم بعد جدال طويل صار بينهم ... قررو انو اللعبة بالعباسيين ... و اجا اليوم الموعود يلي هو يوم المباراة و بدنا نروح على الملعب ... و لا بنتفاجىء قبل المباراة بكم ساعة انو المباراة انتقلت و صارت اللعبة وين بملعب الفيحاء ... دخيل الله شو فرح الجمهور و شو دعالهن بالخير و طولت العمر ...
شدينا على الفيحاء ل نحضر المباراة و اذ في اعداد هائلة من البشر بدها تحضر ... مو هون المشكلة بس ... كان في شي 5 بياعين بطاقات دخول ل شي 30 الف متفرج بدو يدخل ...
( بياعين بطاقات ... لانو الموضة تبع الشبابيك لسا ما استوردوها لعنا ... جاية بالطريق وصينا عليها )
اشتغ الدفشو المطاحشة و ما بعرف شو ... و الله العظيم حسيت حالي بالايام يلي كان بيحكي عنها جدي .. وقت يستنو الخبز و الزيت بالطابور ... لانو هيك صار فينا ....
المهم بعد عدة معارك صارت ... فزت بالحرب انا و اشتريت بطاقة و اجيت بدي ادخل على المباراة ... و اذ بتفاجىء انو سكرو البواب لانو الملعب ما عاد فيه محل الواحد يحط رجلو ... لك ينعن حظي ....
حملت حالي و رجعت على البيت مكسور الخاطر ... و طول الطريق ماسك هل البطاقة عم اتفرج عليها و اتأمل فيها ...
انو من شان هل الورقة صرت متل التور الهايج عم دفش و عم طاحش لحتى اشتريها ... و بالاخير ... رجعت على البيت بخفي حنين ...
...................................
خلص الاسلوع الاول من الدوري و اجا الاسبوع التاني ....
و طلعت مباراة الوحدة مع النواعير .. و حددو اللعبة اللعبة بملعب الجلاء بالمزة ... وا فرحتاه
المباراة الساعة 2.00 على اساس ... انا شو حسبت انو انزل بكير .. ليش لانو يلي ما بيحسب ما بيسلم ايوااااااااا...
نزلت الساعة 12.30 كنت بالملعب .... مو هون بيت القصيد ...
http://www9.0zz0.com/2010/11/05/18/519939832.jpg (http://www.justsyrian.com/vb/t3389.html)
هون بيت القصيد
لما كان في 10 آلاف متفرج بدهن يطلعو من الملعب بعد المباراة و يا عين يا ليلي ....
اجينا ل نطلع من الباب يلي فتنا منو لقيناه مسكر و مو تاركين غير بابين او 3 بكل الملعب ل حتى العالم تطلع منهن ....
مو بس هيك ... البواب يلي متروكة مو فاتحين منها غير درفة وحدة من البواب ... لك الله يوفقهن ... الله يطول بعمارهن ... الله يسرهلن يلي عملو هيك ...
لانو خلوني حس بالتلاحم قوى الشعب ... و بتلامس الدمي الوطني بين قوى الشعب الرياضي في سوريا ...
وقفو شوي وقفو على حيلكن ... نسيت شغلة مهمة
كان قدام الباب ... مدري مين ... مدري اي فقير و معتر صافف سيارتو يلي هي b m w (x)5
يمكن عم يعرضها للبيع او من شان اذا حدا من الجماهير ما لقا مواصلات على بيتو يوصلو فيها ....
يمكن يمكن يمكن ..... و تستمر اليمكن الى مالا نهاية .....
دمتم بخير ... و دامت الرياضة بخير ... و المنظيمين و القائيمين عليها بالف الف خير
تصبحو على وطن
بس يلي بعرفو انو بدي احكي و بدي بقها لهل البحصة يلي عصيانة بحلقي ....
لك شو هل العالم هي و شو هل التنظيم هاد .. لك من وين بيخترعو هل الاداريين و المنظيمين هدول ما بعرف ....
لك مفكرين العالم خواريف ولا مفكرينهم بقر ولا شششششووووووو
بلش الدوري السوري لكرة القدم و الله حيو ... ما صدقنا حالنا انو بلش ... وصلت فرحتنا ل قرعتنا انو قررو انو يبلش ...
هاد و بعد تأخير شهر و نص على الموعد تبعو ...
مالنا فيها انو تأخر المهم بلش ...
بعد ما بلش و عين الله عليه ...
اول مفاجئة كانت ... انو الدوري السوري ما فيه مباريات منقولة على اي شاشة من شاشات التلفزيون السوري ...
لا حدا يستغرب و يقول ما بتصير لانو صارت ... وين عنا بسورية بلد الرياضة و الرياضيين ... لك ما فشرتو يكون في شي مباراة منقولة .. لك نحنا ما عنا غير هل الطابة يلي بيركض وراها 22 لاعب ... اي شو هل العلاك المصدي هاد وشو هل المنطق الاعوج ....
تاني مفاجئة كانت ... هادا يا اسيادنا الكرام حددو لعبة بين فريق الوحدة و فريق المجد و هل الفريقين هنن من فرق العاصمة ... يعني ديربي عاصمة ... غير انو مو منقولة المباراة .. قررت انا روح احضر المباراة ل الفريق يلي بيشجعو من نعومة اظافري ... و هو فريق الوحدة ... من قبل المباراة ب كذا يوم ... احتارو القائيمين على اللعبة وين بدها تصير المباراة ... يوم يقولو بملعب العباسيين و يوم يقولو بملعب الفحياء ... ضلينا مدري كم يوم ما بنعرف حالنا وين بدنا نروح نتفرج على المباراة ... المهم بعد جدال طويل صار بينهم ... قررو انو اللعبة بالعباسيين ... و اجا اليوم الموعود يلي هو يوم المباراة و بدنا نروح على الملعب ... و لا بنتفاجىء قبل المباراة بكم ساعة انو المباراة انتقلت و صارت اللعبة وين بملعب الفيحاء ... دخيل الله شو فرح الجمهور و شو دعالهن بالخير و طولت العمر ...
شدينا على الفيحاء ل نحضر المباراة و اذ في اعداد هائلة من البشر بدها تحضر ... مو هون المشكلة بس ... كان في شي 5 بياعين بطاقات دخول ل شي 30 الف متفرج بدو يدخل ...
( بياعين بطاقات ... لانو الموضة تبع الشبابيك لسا ما استوردوها لعنا ... جاية بالطريق وصينا عليها )
اشتغ الدفشو المطاحشة و ما بعرف شو ... و الله العظيم حسيت حالي بالايام يلي كان بيحكي عنها جدي .. وقت يستنو الخبز و الزيت بالطابور ... لانو هيك صار فينا ....
المهم بعد عدة معارك صارت ... فزت بالحرب انا و اشتريت بطاقة و اجيت بدي ادخل على المباراة ... و اذ بتفاجىء انو سكرو البواب لانو الملعب ما عاد فيه محل الواحد يحط رجلو ... لك ينعن حظي ....
حملت حالي و رجعت على البيت مكسور الخاطر ... و طول الطريق ماسك هل البطاقة عم اتفرج عليها و اتأمل فيها ...
انو من شان هل الورقة صرت متل التور الهايج عم دفش و عم طاحش لحتى اشتريها ... و بالاخير ... رجعت على البيت بخفي حنين ...
...................................
خلص الاسلوع الاول من الدوري و اجا الاسبوع التاني ....
و طلعت مباراة الوحدة مع النواعير .. و حددو اللعبة اللعبة بملعب الجلاء بالمزة ... وا فرحتاه
المباراة الساعة 2.00 على اساس ... انا شو حسبت انو انزل بكير .. ليش لانو يلي ما بيحسب ما بيسلم ايوااااااااا...
نزلت الساعة 12.30 كنت بالملعب .... مو هون بيت القصيد ...
http://www9.0zz0.com/2010/11/05/18/519939832.jpg (http://www.justsyrian.com/vb/t3389.html)
هون بيت القصيد
لما كان في 10 آلاف متفرج بدهن يطلعو من الملعب بعد المباراة و يا عين يا ليلي ....
اجينا ل نطلع من الباب يلي فتنا منو لقيناه مسكر و مو تاركين غير بابين او 3 بكل الملعب ل حتى العالم تطلع منهن ....
مو بس هيك ... البواب يلي متروكة مو فاتحين منها غير درفة وحدة من البواب ... لك الله يوفقهن ... الله يطول بعمارهن ... الله يسرهلن يلي عملو هيك ...
لانو خلوني حس بالتلاحم قوى الشعب ... و بتلامس الدمي الوطني بين قوى الشعب الرياضي في سوريا ...
وقفو شوي وقفو على حيلكن ... نسيت شغلة مهمة
كان قدام الباب ... مدري مين ... مدري اي فقير و معتر صافف سيارتو يلي هي b m w (x)5
يمكن عم يعرضها للبيع او من شان اذا حدا من الجماهير ما لقا مواصلات على بيتو يوصلو فيها ....
يمكن يمكن يمكن ..... و تستمر اليمكن الى مالا نهاية .....
دمتم بخير ... و دامت الرياضة بخير ... و المنظيمين و القائيمين عليها بالف الف خير
تصبحو على وطن