| مشاهدة النسخة كاملة : صور أسمر مع ديانا كرازون, أثناء كليب(جرح) wessam 17-03-2009, 01:12 AM 290 291 292 293 :scared2: مكسب كبير للفنانة ديانا تصوير كليب مع أسمر, و أكيد رح تحقق انتشار واسع بس الشباب يلي واقفين ورا أسمر شي بخوف:scared2: و نظراتهم كأنهم من ال... wessam 17-03-2009, 01:19 AM مابعرف ليش هيك صار و مدة السماح بالتعديل انتهت, حلها عيسى Feras 17-03-2009, 07:55 PM إي ما شي خيي وسام ... إعتمدت على عيسى وهيي إنحلت مشكلتك .... والله أنا برأيي يا حبيب ... نزلون مرة تانية سلام يا غالي Issa 18-03-2009, 12:33 AM تحياتي شباب .. بسيطة وسام سبب عدم ظهور الصور معك كان وجود بضع الكلمات داخل اللينك محظورة بالمنتدى .. وأنا بنصح جميع الأعضاء (خص نص جودي :peace:) إنوا يحملوا الصور على جهازهم بالأول ومن ثم رفعهم على المنتدى بالطريقة الإعتيادية .. إعتمدت على عيسى وهيي إنحلت مشكلتك .... والله أنا برأيي يا حبيب ... نزلون مرة تانية فراس لاتضربنا بحجارك .. بعدين أنا كرامة عيون أسمر فتت وزبطت الصور فارس أحلام الصبايا ورجل الأحلام .. :hitwall: (لاصوت حلو ولا خد ناعم) wessam 18-03-2009, 01:04 AM مشكور عيسى, ما النا غيرك بهالمنتدى شفت فراس لازم الواحد يعرف على مين يعتمد, وأنا ماكان عندي شك بنوب بانو عيسى رح يحل المشكلة Feras 18-03-2009, 09:11 AM ولك إي خلص طلعوا من هالبواب ... لو ما إحكي على عيسى وهوي يفهمها من باب التحدي, إي ما كان عملها بمية سنة المهم شفنا الأسمر وديانا ... مين هادا الأسمر؟ شو بيلعب ؟ joodi 18-03-2009, 10:44 AM شكرا وسام ع الصور.. انا بصراحة ما بحب ديانا كرزون "رايي" اما الاسمر فمو متابعتوا..بس شكلو الو هيبة:blush: وبالنسبة للاغنية او الفيديو كليب فانا معك انو هو بالاخر مكسب لديانا لانها استغلت ظاهرة الابطال الاتراك بالمسلسلات المدبلجة والي ما بعرف لوين بدها تخلص...بس المهم انو "تجيب نتيجة":confused: Feras 19-03-2009, 06:15 PM إساتني عند سؤالي ..... مين هادا أسمر وشو بيلعب ؟؟؟؟ wessam 19-03-2009, 06:22 PM إساتني عند سؤالي ..... مين هادا أسمر وشو بيلعب ؟؟؟؟ هاد و حسب ماسمعت انو هو بطل مسلسل تركي اسمو وتمضي الأيام, وصاير كمان متل ماسمعت, حلم البنات العربيات, بس مو الكل طبعا لأنو لسا في بنات عندهم ذوق و عقل Feras 19-03-2009, 06:31 PM ولك يا زلمة شو عاجبون فيه ؟ ولك جربوع يا الله جربوع ... خريج حبوس ... متل هدول البدو والنور يلي بيدقوا عالطبل .... ناقصو زمور نحاس وجلابية Issa 20-03-2009, 02:14 AM حبيبي فراس هاذ الجربوع إذا بيعمل دعاية بأصغر شركة رح يحصل على مبلغ بدنا أنا وإنت و 1600 عضو المسجلين بالمنتدى (90% منهم مابشاركوا) ومابنقدر نحصل مثلوا !!! يعني جربوع مشهور ولا نمر مغمور؟؟ .. شو بتختار... :embarassedlaugh: Feras 21-03-2009, 09:24 AM إي جربوع ونص ... خليه لكن يروح يعمل عمليات تجميل بهالمبالغ الي عم توصلو, بركي بيصير مقبول شوي عاد بيكون بتركيا ماحدا سمعان فيه ... حقوا كندرا joodi 21-03-2009, 01:44 PM والله احترنا فيكم يا شياب.. اذا قلنا "مهند"بتقولوا..مخنث وشاذ وشكلو بيدل عليه ,يعني بعيونو الزرق وشعراتوا الشقر وهالكم نظرة وتدبيلة .. طيب.. قلنا الاسمر بتقولو بشع ونوري ووووووووووووووو وبالحاتين ما سالتوا نفسكون ليش البنات" متل ما قال وسام " معتبرين هيك شخصيات ممكن تكون "فارس احلامون"؟؟؟؟؟؟؟ والجواب وبما انو شتان بين الشكلين "الاسمر والاشقر"بقصد الشخصيتين " الاسمر و مهند" بس الاول انحب لانو ر"رجال قبضاي" بلش من الصفر ليصير بالمكان الي لطالما حلم فيه وبنفس الوقت ما قدر ينسى قلبو والحب بحياتو الي رافقو من طفولتو والي كان بسعي دائم ليلاقيه..وهالشي فينكم بتعرفوه بس من خلال الاعلان تبع المسلسل .. لهيك البنات حبوه ونسيو شكلو اما التاني فهو الشب الحلو الرومنسي الي بيتغير من تجربتو مع الحب للافضل والي بيدلل حبيبتو والي منشان "مرتو"قادر يعمل كل شي بس..ليكون معها مع العلم انو"المحروسة نور"مو حلوة! لهيك البنات حبوه وحبو كل شي بشخصيتو بالرغم من اخطاؤوا وبالرغم من انو المسلسل طويل لدرجة بتملل . وصار عند كل بنت "امل"بانو "الزواج"يمكن يكون بصورة مختلفة كتييييييييييييييييييييييير عن الي منشوفو ومنسمعوا ! Feras 21-03-2009, 04:10 PM ولك تمثيل ياالله تمثيل ... جودي عيوني إنتي ... شبنا ؟؟؟؟ والله كلو تمثيل ... روحي شوفيهون عالواقع, شلة سعادين ما حدا شايلون من أرضون وكمان بدي إسألك سؤال : هلأ بربك ما عنا شباب أحلى منهون ؟ بدك تقنعيني هادا دقاق الطبل حلو وما عنا أحلى منو ؟ أو هداك التاني يلي أمو إتوحمت على بسينة قبل ما تولدو؟ ... إي والله أنا من ناحيتي حسن دكاك وطلحت حمدي أحلى منون تنيناتون ... لأ وتمثيلون أحلى كمان .... ... وكمان الحب و الزواج ما بدو مهند وأسمر ليشرحون ويعطيهون صورة مختلفة متل ما قلتي, هادا حكي مسلسلات , لأن الحب والزواج مرتبطين بالدرجة الأولى والأخيرة بطبيعة وشخصية الطرف يلي إنتي رح ترتبطي فيه وتختاريه , ولما إختيارك رح يكون خطأ ... لا مهند ولا أسمر ولا أخضر رح يوقفو معك ويحسنولك صورة الزواج أو الحب بيضل هادا رأيي وتجربتي وباي wessam 21-03-2009, 06:42 PM طيب جودي بدي اسألك سؤال, انت من جماعة مهند ولا أسمر؟ joodi 21-03-2009, 09:08 PM بصراحة ومابعرف اذا رح تصدقوا كلامي او لا انا مو مع الاتنين .. انا تابعت مسلسل نور ابتداءا من الحلقة يمكن55وبعد ما انتقل ع ال"ام بي سي4"ولاني متابعة برامج المحطة حبيت شوف "التجربة السورية"الي هي غريبة من نوعها يعني"مدبلج بلهجة سورية عامة شامية وتركي كمان"يعني غريبة!! بعدين شدتني القصة وكمان الشخصية الرومنسية الي مركزين عليها للبطل والبطلة والي بمسلسلاتنا السورية "الصرفة" لو كانت القصة اعظم بكتير من مهند ونور رح يدخلو معاها الف قصة وقصة وعشرين بطل وبطلة ونجوم من حولهون ..يمكن لانها مسلسلات "واقعية" اكتر وبتحاكي السمع والبصر والفكر وكل طبقات المجتمع بكل بلد عربي وانا معهم..بس يعني قصة "النجوم السبعة والتمانية وووو؟؟؟" حاجتها.. يعني مابضر تكون سلاف فواخرجي نور وتيم حسن مهند وبلا قصة الترجمة كلها ع بعضها الي بالاخر ما طلعلنا منها الا النقد ..:cry3: وبالنسبة لكل شي طلع بعدين من تركي فما عندي فكرة عنو الا الي بقدر شوفو من خلال الدعايات للمسلسل..على نفس المحطة يعني بالاخر انا مع تيم حسن :blush: wessam 22-03-2009, 01:10 AM جودي والله مصدقك, والصراحة أنا لما قلت انو مو كل البنات هيك و أكيد في منهم لسا عندهم عقل و عيون كنت حاطط ببالي انك وحدة من هدول البنات الواعيين, ولما شفت ردك انصدمت بس لحتى اتأكد سألتك و منيح سألت هيك تأكدت من نظرتي فيكي و ماخابت انك من الواعيات و ذوي العقل مو متل يلي لاحقين هيك شباب joodi 22-03-2009, 08:34 AM مشكور وسام بس الي مستغربتو منو انك "وبما انك" مو مع هيك ظواهر .. ليش نزلت كل الحلقات تبع المسلسل او شي بخص احداث المسلسل. بصراحةانا ما قريت الموضوع لاني ومتل ما قلت مو متابعة.. والموضوع حقق اعلى نسبة مشاهدة متل ما بتعرف؟! wessam 22-03-2009, 04:56 PM مشكور وسام بس الي مستغربتو منو انك "وبما انك" مو مع هيك ظواهر .. ليش نزلت كل الحلقات تبع المسلسل او شي بخص احداث المسلسل. بصراحةانا ما قريت الموضوع لاني ومتل ما قلت مو متابعة.. والموضوع حقق اعلى نسبة مشاهدة متل ما بتعرف؟! الصراحة اني تابعت سنوات الضياع بس مو بشكل يومي أ, انو ماشوف الحلقة كلها تقريبا من الحلقة 70, بس نور و مهند ماشفت منو الا بضع لقطات بس بظن اني بعرف قصتو على قد ما صرعوني بكل مكان وهن يحكو عنها وشو صار وشو بدو يصير, يعني أنا مو متابع للدراما التركية, أما بخصوص مواضيع و تمضي الأيام هو اني كنت متأكد انو رح يجذب كتير زوار للمنتدى من خلال بحثهم عغوغل أو غيرو والصراحة مابعرف عنو ولاأي شي وماشفت ولالقطة منو خاصة اني هون بعيد و لحالي وأنا بقرر على شو اتفرج, بس يمكن اذا صار الصيف و رحت على سوريا اضطر عالأقل أعرف قصتو لأنو العالم هنيك كلها متابعتو. على فكرة موضوع قصة المسلسل ماقريتو ولا بعرف شو فيه أحداث:hammer: غنوة 30-04-2009, 10:45 AM لعمى شو عقل فنانينا صغييييييييييييييير الله يكبر عقلك ياديانا منو هاد أسمرصحيح ومنو هي ديانا لسه مبارح طلعت أصلا أنا ما بحب صوتها ولا شكلا حتى دما تقييييييييل ديانا كذا طون |