مرحبا يا جماعة ... والله هادا مو موضوع ... بس عم ناخد ونعطي مع بعض

ئاعد عم فكر بقصة صارت معي اليوم الصبح ... هي أقل من عادية وأنا متأكد إنها صايرة مع كتير منكون إذا مو الكل

الصبحيات جيت على المكتب و عم شوف شو جايني إيميلات
بلاقي إيميل من واحد من صحابي باعتلي ياه , عنوانو:

صورة مقـدســـة (لا تهملها لكن إذا فتحتها عليك إعادة إرساله)

فتحت هالايميل لشوف شو فيه

الايميل عبارة عن صورة دينية عادية, عادية متلها متل أي صورة
ومكتوب تحتها:

وصلت هذه الرسالة الالكترونية الى رئيس دولة الأرجنتين الذى قام بشطبها فورا دون قراءتها اعتقادا منه انها من نفايات الانترنت- بعد ثمانية أيام توفى ابنه- شخص آخر وصلته هذه الرسالة وقام بارسالها الى عديدين من معارفه-بعد أيام كسب اللوترى-شخص آخر اسمه ألبرتو مارتينيه وصلته نفس الرسالة بالصورة - قام باعطائها الى سكرتيرته طالبا منها ارسال صورا عديدة منها الى أصدقاؤه لكنها نسيت ارسالها للعديدين - هى فقدت وظيفتها وهو فقد عائلته
هذه الصورة هى من المعجزات ومباركة - ارسلها الى عشرة أشخاص



يلي زعجني أكتر شي بالموضوع إنو صاحبي هادا إنسان مثقف وفهمان , كيف ممكن يصدق هيك - خزعبلات - !!!!!

لأ وبسألو إذا صدق هيك حكاية!!! فبيجاوبني إنو لا تنام بين القبور ولا تشوف منامات وحشة

ماكان مني غير إني رديتلو بإيميل سبيت فيه رئيس الارجنتين والأخ ألبيرتو وسكرتيرتو الدبة ... وبهدلت رفيقي والي باعتلو ياه

يعني معقول إسى في ناس بهالأيام هاي بتآمن بهيك قصص ؟؟؟؟
هاي ناس ملحدة بنظري لأنها ما بتعرف كلمة الله شو بتعني, لما الله ممكن يقتل العائلات من أطفال ونساء بس لأنو واحد ما بعت هيك إيميل, وين الوعي صار ؟؟؟

كلنا إسلام ومسيحية منآمن بالله وبأهم صفاته يلي هيي الرحمة .... الديانات السماوية أسمى من هيك بكتير







بالآخر ... بعتذر من إدارة المنتدى إذا موضوعي في شي بيمس الدين , وبعتذر من الأعضاء إذا زعجت حدا بيحكيي
وبتمنى ما ينمحى الموضوع ... على القليلة لأعرف رأي الأعضاء إذا أنا الغلط أو لأ


شكرآ كتير وباي

والله حكيك مزبوط وأنا اجاني ايميل بخصوص هاد الموضوع و كشف الكذب والخدع و حبيت انقلو للمنتدى






لماذا عقولنا تنزل لهذا المستوى . . . ألا توجد أشياء أهم نهتم بها ؟ ؟ ؟ أرجوكم كفانا غباءً

--------------------------------------------------------------------------------

السلام عليكم ورحمة الله وبركاته
.
.
.


الكذبة الأولى: قصة الفتاة العمانية التي تحولت لعنزة مشوهة لانها استهترت بقراءة القرآن



الحقيقة : الصورة هي صورة عمل فني تخيلي بالشمع لاناس مستنسخين






.. .. ..

الكذبة الثانية: قصة الشاب الذي فتحوا قبره بعد 3 ساعات فوجدوه متفحما من اثر عذاب القبر ونشرت صوره
الحقيقة : الجثة لفتاة سعودية احترقت في حادث


304

.. .. ..


الكذبة الثالثة: قصة الأصوات التي صدرت من الأشجار في الغابة ويدعي الخبر ان أحد العلماء صمم جهازا


لفك شفرة الأصوات ومن ثم وجد انها تنطق بكلمة ' الله ' فأسلم بعدها


الحقيقة: الخبر مفبرك من موقع يسمى 'الليبراليين العرب ' بغرض السخرية من المسلمين

.. .. ..

الكذبة الرابعة: قصة نيل ارمسترونغ وسماعه الاذان من على سطح القمر والقصة المثيرة لاسلامه بعد عودته الى الارض


الحقيقة: كذب مكتب ارمسترونغ هذا الخبر جملة وتفصيلا, كما عقد شخصيا مؤتمرا صحفيا بالهند لنفي هذه الشائعة بعد انتشارها
في انحاء العالم.


.. .. ..


الكذبه الخامسه : قصه الهيكل البشري العملاق مع تعليقات تزعم انه اكتشف في صحراء الرع الخالي في المملكة العربيه السعوديه .. وانه يعود لانسان من قوم عاد ..


الحقيقه : ليست سوى صوره مركبه شارك بها صاحبها للتلاعب بالصور بواسطه برنامج (فوتوشوب ) .. وتبين ايضا ان الصوره الاصليه قبل المعالجه التقطت في حفريات اثريه في نيويورك .. بعد العثور ع هيكل فيل عملاق ومن الواضح ان المتسابق البارع دمج صوره اخرى مكبره لهيكل عظمي بشري مكان هيكل الفيل

307

.. .. ..


الكذبة السادسه: صورة الجني الذي قام شاب اماراتي بتصويره في كهف ومات الشاب مباشرة بعد تصويره


الحقيقة : الجني عبارة عن مجسم منحوت متقن في احد الكهوف وعيونه متصلة بمفتاح كهربائي
لاضاءة العينين باللون الاحمر


305

306






يتبع

ولك شو هالقصص الحلوي ... عن جد شيلك عن إنون كذب بس حلوين ... شغل أفلام أكشن ورعب نظامي

والله يا وسام في عالم بدها حرق بالبنزين ع شدة التخلف الديني عندون ... والله حرام يسمو حالون بيؤمنو بالله

الكذبة السابعه: صورة لحديقة بالمانيا وقد كونت جذوع الاشجار على الجانبين شهادة التوحيد
مع الادعاء ان المانيا قد اغلقت الحديقة


الحقيقة : الصورة هي لوحة لفنان مصري وقد تم حذف توقيعه من عليها

308

.. .. ..


الكذبة الثامنه: في احد المستشفيات الامريكية جهاز رسم القلب لأحد المرضى يرسم كلمة الله

الحقيقة : منتدى علماني قذر هو مؤلف ومروج هذه الاشاعة ليضحك منا كما سترون لاحقا

309


الكذبة العاشره: اسلام تشيلسي ابنة بيل كلينتون


الحقيقة: نفت تشيلسي هذه الشائعة واضافت بأنها مهتمة بالدين الاسلامي ولديها نسخة مترجمة من القران الكريم

.. .. ..

الكذبة الحاديه عشر: صورة الحرمين المكي والمدني تظهر مضيئة ليلا في صور التقطتها الاقمار الصناعية .


الحقيقة : الصورة ملفقة بالفوتوشوب حيث أنها التقطت نهارا وتم تغميق المباني المحيطة بالحرمين
للايحاء انها التقطت في الظلام . (بيوت الله مضيئة بالمصلين الركع السجود وليست بحاجة لفوتوشوب!)

310

.. .. ..


الكذبة الثانيه عشر: صورة من وكالة ناسا توضح خط على سطح القمر من أثر انشقاقه للنبي .
الحقيقة : الصورة أيضا ملفقة بالفوتوشوب ، وبالبحث في موقع ناسا لم يوجد أي أساس لهذا الخبر

311


.. .. ..

يتبع

الكذبة الثالثه عشر: الأخبار حول احتراق جثة الرسام الدنماركي المستهزئ بالمصطفى صلى الله عليه وسلم وتكتم الحكومة الدنماركية على الخبر

الحقيقة: ظهر الرجل ويظهر مرات عديدة في وسائل الاعلام ، ومن ذا الذي يحتاج احتراق الرجل حتى يثبت ضلاله.

http://www.msrk3.com/up/uploads/images/msrk3-ea31b9275b.jpg



.. .. ..


الكذبه الرابعه عشر: خروج نافورة رملية من الارض في السعودية ، وبعض الجهّال يرمزون للآية (وأخرجت الأرض أثقالها) وانها من علامات قيام الساعة

الحقيقة: ماسورة أو انبوب غاز تحت الارض (مدفون) تابع لشركة أرامكو وتم التعامل مع المشكلة فوراً من قبل الشركة

316

.. .. ..


الكذبه الخامسة عشر: صوره لقبر الرسول صلى الله عليه وسلم

الحقيقه: الفبركه في الجدران والشباك التي حول القبر لاتعليق !!

317


.. .. ..


الكذبه السادسة عشر: صورة الشيطان في 11 سبتمبر

الحقيقه : تعديل للدخان ببرنامج الفوتوشوب

318

.. .. ..

الكذبه السابعة عشر: ظهور صورة صدام حسين (رحمه الله ) بعد اعدامه في القمر

الحقيقه : ايضااحترافيه اخرى تعديل بالفوتوشوب

319

.. .. ..

كذبه الثامنة عشر: صورة لمبنى مكعب باللون الاسود يقال انه بارت للخمر تم افتتاحه امريكا يطلقون عليه
تفاحة مكه تشبيه بالكعبه المشرفه ..

الحقيقه : هذه الصوره لمقر احد معارض شركه ابل المنتجه لنظام تشغيل الماكنتوش المنافس لمايكروسوفت
والمبنى المكعب ماهو الا مدخل زجاجي للمعرض وقد كان مغطى بطبقه سوداء حتى موعد الافتتاح..


312

.. .. ..


دخلت فجاة لأحد المنتديات العلمانية حاقدة على الأمة العربية الإسلامية
فوجدت موضوع و قراته و ياليتني لم أقرأه
شباب يضحكون على رواد المنتديات من المسلمين بالأدلة و البراهين
فحجتهم قوية جدا
كل ما في القصة
يقوم هؤلاء الشباب بصناعة المواضيع الإسلامية الكاذبة
مثل
إكتشاف إعجاز العلمي في القرأن - الشجرة تسبح بحمده-
فتاة أستهزءت بالقرآن فتحولت إلى عنزة
إسلام مايكل جاكسون
شخص اخرجوه من القبر فوجد أثار التعذيب على جسده (عذاب القبر ) !
ثم
ينشروها الاعضاء في المنتديات الإسلامية
ثم
يقوم الأعضاء المسلمين بنسخها ووضعها في منتدياتهم
ثم
تنتشر بسرعة كبيرة في كامل المنتديات
ثم
يقرأها آلاف و آلاف من القراء
ثم
يموت الاعضاء بالضحك و السخرية على غباء المسلمين
لانها
كاذبة صنعها ملاحدة لهدف واحد للضحك و تشكيك الناس بالإسلام و لصرفهم عن الدين الصحيح
ثم
ثم نكتشف بعد فترة أنها كانت كذبا في كذب
و لكن بعد أن يكون قد ضحك منا أعداؤنا و شبعوا ضحكاً
الرجاء قرائة بعض الردود في الصورة المرفقة وكن صبوراً قليلاً

315

.. .. ..


قبل أن أقول كلمة أخيرة أزيدكم بكمٍ آخر من هذه الأكاذيب للإحاطة
وقد جمعت عدة صور
313

314
النهاية



هذا غيض من فيض

عيسى شفلنا موضوع الصور كمان هالمرةplz

مسالخير للجميع ..
وسام موضوع الصور بسيط كتير .. بدنا خدمة تحرز ..!!
الحقيقة أنا مابحب كتير خوض بهالنوع من النقاشات لإعتبارات كثيرة بس بما أني دخلت رح أعطي رأيي ..

ملاحظة صغيرة : إختيار خاطئ لإسم الموضوع (يعني الإسم غير معبر عن فحوى الموضوع) ..

بالبداية رح رد على فراس
يلي زعجني أكتر شي بالموضوع إنو صاحبي هادا إنسان مثقف وفهمان , كيف ممكن يصدق هيك - خزعبلات - !!!!!إرسال الإيميل لايدل على تصديق هذه الأمور فهناك فرق كبير بين تصديق الأمور وبين الإستماع إليها وقرائتها ..
مثلاً : قراءة الفنجان بين الأصدقاء وقراءة الكف ومتابعة أخبار وبرنامج ميشيل حايك وماغي فرح لمجرد التسلية بين الأصدقاء لايدل على الإيمان المطلق في هذه الأمور ويمكن إدراجه في باب الفضول ..
هاي ناس ملحدة بنظري لأنها ما بتعرف كلمة الله شو بتعني, لما الله ممكن يقتل العائلات من أطفال ونساء بس لأنو واحد ما بعت هيك إيميل, وين الوعي صار ؟؟؟يوجد فرق كبير بين الإلحاد وبين ماذكر من مواقف فالأمور التي ذكرت لاتصنف تحت بند الإلحاد لامن قريب ولامن بعيد ..!!
أما إن أردت إدراحها تحت بند عدم الوعي فلك الحق في ذلك ولكن كيف يمكننا التعامل مع هؤولاء الأشخاص ..؟؟
سأقوم بالإقتباس لك الطريقة التي تعاملت بها وللقراء الحكم !!
ماكان مني غير إني رديتلو بإيميل سبيت فيه رئيس الارجنتين والأخ ألبيرتو وسكرتيرتو الدبة ... وبهدلت رفيقي والي باعتلو ياهكان عليك أن تساعد صديقك وتنبهه إلى الخطأ الذي أرتكبه بدل السب والشتائم التي لاتغني ولاتنفع فأصابك كمن عالج خطأ صغير بخطأ جسيم !!

في النهاية هذه الأمور سهلة الكشف لأنها مبنية على الكذب ولكن يتطلب منا أن نحاول فضحها لا أن ننظر بعين الإستهزاء والإستخفاف بمن كان ضحيتها ...
والله معكم ......

خيي عيسى رح رد عليك وإنشاله الله يعطيني طولة البال :
أول شي أنا بحط تسمية الموضوع متل ما بدي ... إنشاله سمي الموضوع البندورة المتوحشة أو مغامرات فراس أو الي بدي ياه... هادا شي بيخصني و إذا في إعتارض بتمنى تراسل إدارة المنتدى

المهم:
إرسال الإيميل بيدل على تخلف ديني قبل أي شي والأهم إنو عم يساعد بإنتشار هالمسخرة بين العالم , وخود ع ضحك وتخويت منهون
روح إتسمع ع ميشيل حايك وماغي فرح للصبح , بس إذا قالولك سنة ال2009 رح تربح الياناصيب ويصير معك مليار دولار ... يا ترى رح تترك شغلك وتقعد بالبيت ؟ ما إنتا رح يصير معك مليار دولار, شو بدك بالشغل ؟؟؟؟

ها أولأ ... ثانيآ :
إي هادا إلحاد وجهل وتخلف وإعاقة ... لا تقول عدم وعي , إحكي بمنطق شوي , عدم الوعي لما بضرب إستاذي أو بشرب كاسة شاي سخنة بسرعة أو إقطع الشارع والأشارة حمرا أو حتى إني ناقش بهالموضوع الواضح .... بس إنو مفهوم الله يقتل الأطفال والنساء والأبرياء بس لأنو في واحد حمار ما حب أو نسي يبعت إيميل ؟
هاد هوي الإلحاد لما منشوه صورة الله... ساعتها خلينا نقول نحنا ما منؤمن بالله أحسن ما تكون هاي نظتنا إلو,

أما ثالثآ ... بتمنى تقرا موضوعي كلو قبل ما تحكم ... أنا ناقشت العينتين رفيقي بس كان الرد النهائي : لا تنام بين القبور ولا تشوف منامات وحشة ... بتسمع بهادا المتل تبع ناقشت الحكيم وغلبتو , مناقشت الجاهل وغلبني ؟؟؟



أوووووف أوووووووووووووووووف

خيي وسام ... مبين من إهتمامك إنو الموضوع كمان زاعجك متل ما أنا زاعجني ... والله يا معلم القصة بدها طولة بال ... وإنشاله هالقصص الي كتبت إنتا عنها , يشوفوها العالم ويقروها , بركي منكون خففنا شوي من هالظاهرة المزعجة بين الإسلام والمسيحية , وبيتذكرو إنوا الله رحيم ....

عن جد شكرآ كتير كتير إلك ع المشاركة الكبيرة تبعيتك و أنا مني رح إبعتها إيميل لكل صحابي ...طبعآ إذا ما عندك مانع , وأنا ناطر موافقتك قبل الإرسال

يلا شكرآ وباي

خيي وسام ... مبين من إهتمامك إنو الموضوع كمان زاعجك متل ما أنا زاعجني ... والله يا معلم القصة بدها طولة بال ... وإنشاله هالقصص الي كتبت إنتا عنها , يشوفوها العالم ويقروها , بركي منكون خففنا شوي من هالظاهرة المزعجة بين الإسلام والمسيحية , وبيتذكرو إنوا الله رحيم ....

عن جد شكرآ كتير كتير إلك ع المشاركة الكبيرة تبعيتك و أنا مني رح إبعتها إيميل لكل صحابي ...طبعآ إذا ما عندك مانع , وأنا ناطر موافقتك قبل الإرسال

يلا شكرآ وباي

أول شي أكيد أنا الموضوع بيزعجني لما متل ماحكيت انت شوف ناس متحضرة وبتعرف تستخدم انترنت والمفروض مثقفة وتآمن بهيك شي أو حتى متل ماحكيت انت منامات و قبور ومابعرف شو:arghh:
بس عتبان عليك كتير فراسو :hug3:
يعني ردك كان قاسي شوي على عيسى مع اني بعرف انو أكيد هو ماكان قاصد متل ما انت فهمت:oops:
بس هو حرصا منو على انو الموضوع يصل لأكبر قدر من الناس من خلال انو يكون عنوان الموضوع يدل على مضمونه المهم و الكبير.
و أكيد ماعندي مانع وأحب على قلبي انو الموضوع يصل لأكبر عدد من الناس

خيي فراس رح رد عليك والله يعطيك طولة البال :)

أول شي أنا بحط تسمية الموضوع متل ما بدي ... إنشاله سمي الموضوع البندورة المتوحشة أو مغامرات فراس أو الي بدي ياه...
فكرة أسماء المواضيع اللي ذكرتها مميزة ذكرتني بأفلام كرتون ...


إرسال الإيميل بيدل على تخلف ديني قبل أي شي والأهم إنو عم يساعد بإنتشار هالمسخرة بين العالم , وخود ع ضحك وتخويت منهون
كلام جميل ويدل على وعي كبير و وأنا أوافقك على ذلك ..لكن كان إنتقادي للطريقة التي رددت بها على صديقك وهي السب والشتائم ووصفه بالألحاد (يعني جيت لتكحلها قمت عميتها )!!


روح إتسمع ع ميشيل حايك وماغي فرح للصبح , بس إذا قالولك سنة ال2009 رح تربح الياناصيب ويصير معك مليار دولار ... يا ترى رح تترك شغلك وتقعد بالبيت ؟ ما إنتا رح يصير معك مليار دولار, شو بدك بالشغل ؟؟؟؟


هون بلشت تناقض نفسك ..يعني أكيد رفيقك ماقعد بالبيت وبلش ينتظر جائزة اللوتو (اليانصيب)حتى يربحوا ..وهذا بيدعم كلامي إنوا الموضوع يدخل في باب الفضول و التسلية لاأكثر ..


إي هادا إلحاد وجهل وتخلف وإعاقة ... لا تقول عدم وعي , إحكي بمنطق شوي ,


صديقي الإنسان الملحد هو الإنسان الذي لايؤمن بوجود الله ...فكيف يقوم بإرسال مواضيع دينية من لم يأمن بوجد الله أصلاً !! إذا لايصح أن تصف صديقك بالإلحاد ..(إنشالله صرنا عم نحكي منطق شوي ):crazy:


عدم الوعي لما بضرب إستاذي أو بشرب كاسة شاي سخنة بسرعة أو إقطع الشارع والأشارة حمرا أو حتى إني ناقش بهالموضوع الواضح ....

الأمثلة الأولى قد تكون جيدة لعدم الوعي ولكن نستطيع أن نسميها بمسميات أخرى ولكن بالنسبة للمثال الأخير حول النقاش في هذا الموضوع أستطيع أن أصنفة تحت بند قلة الخبرة ..:hug3:



بس إنو مفهوم الله يقتل الأطفال والنساء والأبرياء بس لأنو في واحد حمار ما حب أو نسي يبعت إيميل ؟
هاد هوي الإلحاد لما منشوه صورة الله... ساعتها خلينا نقول نحنا ما منؤمن بالله أحسن ما تكون هاي نظتنا إلو,

بوافقك بالرأي أنوا من الخطأ تصوير الله بهذه الصورة وهو رمز المحبة المطلقة مع التحفظ على أمرين
1- الكلام الغير لائق الذي ذكرته ..
2- وصف الشخص بالإلحاد لمجرد التغرير به (وضحناها سابقاً)



أما ثالثآ ... بتمنى تقرا موضوعي كلو قبل ما تحكم ...

ياسيدنا قرينا الموضوع ..وكمان رح نرجع نقراه مرة جديدة حتى ماتتهمنا بعدم القراءة ..


أنا ناقشت العينتين رفيقي بس كان الرد النهائي : لا تنام بين القبور ولا تشوف منامات وحشة ...

الواضح من رد صديقك أنه غير مؤمن بتلك الأمور بشكل قطعي ولكنه بحاجة لمن يساعده وينبهه لاأن تسمعه سيل من السباب والشتائم ..والإتهامات العشوائية


بتسمع بهادا المتل تبع ناقشت الحكيم وغلبتو , مناقشت الجاهل وغلبني ؟؟؟

لم أستطع أن أحدد من هو المقصود بهذا المثل أنا أو صديقك ؟ ولكن سوف أجيبك بكلا الحالتينن ..
إذا كان المقصود صديقك فقد ناقضت نفسك مرة أخرى لأنك أخبرتنا في بداية مشاركتك أن صديقك فهمان ومثقف !!
أما ان كنت أنا المقصود في المثل ماناقشت عالماَ الاّ وغلبته وماناقشت جاهلاّ الاّ وغلبني هذالك سيدنا علي مو إنت !!


أوووووف أوووووووووووووووووف
طول بالك خيي فراس خذلك شفة قهوة ..:lethug:

----------------------------
بالنهاية :
نشر التوعية الدينية أمر ضروري جداً ومن الخطأ الإنجرار في مثل هذه الأمور أو تسويقها ولكن بالمقابل نحتاج إلى كثير من الوعي والإدراك للتصدي لها ومعالحتها بطريقة حضارية بعيدة عن التشنج والتوتر (يعني بدون شتائم وإتهامات) ..
شخصياً أقوم أحيانا بقراءة هذه الإيميلات والرد عليها (من باب الفضول ولكن ضمنياً غير مؤمن بها كمن يستمع لعجوز تقوم بقراءة الفنجان له وهو مدرك تماماً أنها تعيد الكلام ذاته لكل شخص تقابله !!)
تحياتي للجميع مع الشكر لفراس و وسام لغيرتهم الواضحة على مجتمهم ..

خيي عيسى شو بدك, بس قلي شو بدك ؟ فيني ساعد بشي ؟؟؟ ... والله إذا بجيب ولد صغير يقرأ ردك ليضحك عليك ... متل الي عم يقرأ نكتة عن المحششين ,
إنشاله مو بس سب رفيقي , إنشاله إرميه من سابع طابق, ليش مقهور كتير عليه ؟
أما موضوع الإلحاد فأنا هادا ماني رح ناقشك لأني مقتنع لما الواحد بيشوه صورة الله أنا بسميه ملحد , إنت سميه طرزان أوساسوكي أو الي بدك ياه , أنا ما بتعدى على قناعاتك وما بدي حدا يتعدى على قناعاتي ...

وكمان هذه رسائل بتدخل بباب الفضول والتسلية مو أكتر ؟؟؟؟ هيك رأيك ؟
ليش العالم فار وكانت رح تصير حرب عالمية لما عملو كاريكاتير عن الرسول ؟ ليش الفاتيكان قام رح يخبط الدني لما عملو فلم عن المسيح وزواجه بمريم المجدلية وعندو ولاد منها؟ ... إي من مبدأك , هادا كلو من باب التسلية ؟؟
كل هدول من باب التسلية تبعيتك , والله تسلية حلوي , بيصير حرب عالمية تالتة ةعاشرة من وراء أفكار ومبادئ عيسى عن التسلية والفضول

أما تسمية الموضوع ... أنا أول جملة كتبتها بالموضوع قلت إنو هادا مو موضوع ولاشي , هادا شي زاعجني و حابب إحكي , فبتمنى للمرة العاشرة ما حدا يعلق على الأسم

خيي وسام عن جد لا تواخني ولا تضايق من حكيي ... أنا أحيانآ بعصب شوي ... بس أبو العيس عندو موهبة تيخلي الواحد ينرفز ويعصب .... أنا من ناحيتي بنسحب من النقاش مع عيسى وإنت أوعى وأعقل مني فبتمنى تردلي عليه وتناقشو نيابة عني .... ع كل حال حقك عليي مرة تانية ومنحكي وباي

ملاحظة : مافي شي إسمو تسلية وفضول بالدين يا عيسى ... عند الدين خط أحمر ... إن كنا إسلام أو مسيحية, ما منتسلى بالدين يا عيسى ... الفضول الوحيد المسموح بالدين هوي فضول التعلم والتعمق بالدين ... مو فضول معرفة الخزعبلات إذا رح تتحقق أو لأ ... نحنا ماننا هون حتى نجرب الله ....

هادا رأيي وبعتذر من عيسى و من أي شخص تاني ممكن كون أنا زعجتو بتعليقاتي

بس أبو العيس كل مرة بيعمل فيي نفس الفلم ,,, بفيق الصبح ع شغلي بفتح كمبيوتري وأول شغلة بتصبح فيها هيي تعليقات عيسى ..... ف حقك عليي أبو العيس وما فيها زعل

بس كمان لا تدخل بيني وبين رفيقي إنشاله إدبحو مو بس سبو , إشتكالك شي ؟ بتعرفو شي ؟
خلص لكن ليش الحكي ...... :)

يلا سلام للكل