مع الشكر للتعليق بس واضح انك ما بتعرف شي عن شركات الاتصالات عنا .....مثلا اذا بدك تحكي عنا بسوريا 15د مو بتكلفك 60ليرة متل ما قلت لالالا بتكلفك 120 ليرة 15× 8 يعني بالشهربصيروا 3600 يعني تلت راتب الموظف السوري درجة اولى ....

__________________

يمكن بالحسابات فوق أنا عم أحكي عن خط الموبايل اللاحق الدفع وكان لازم ضيف المبلغ الشهري الثابت واللي هوي 600 ليرة إذا ماني غلطان وهيك بصير سعر الدقيقة أربع ليرات سورية ..

يعني الحساب بعد التصحيح بصير 15 دقيقية x أربع ليرات X ثلاثين يوم = 1800 ليرة سورية +600 القسط الشهري = 2400 بتصور هيك صرت أدق شوي ..
هلق أنا مابقول رخيص ..بس كمان مانوا هالمبلغ اللي كتير غالي !!

ومشان الخطوط المسبقة الدفع أنا دخلت على موقع الشركة وشفت العروض المطروحة وهيي كالتالي :


أنا لاحظت وجود عرض بسعر 2032 ليرة سورية لمدة 300 يوم + 2600 وحدة (يعني 325 دقيقة) وبتصور أستخدام موبايل لمدة 300 يوم بالسنة بهيك سعر ماشي الحال مو كتير غالي !!

يمكن أنا ماأقدر قدر الأمور مثل اللي عايشها ..بس انخفاض دخل الفرد هوي السبب أما أسعار أستخدام الموبايل بصراحة لقيتها عادية مانها غالية كتير ..

يعني لو قارنا السعر مع دخل طبيب سوري أو صيدلي أو تاجر صغير (أكيد فوق 50 ألف ليرة ) رح يطلع التكلفة الشهرية للموبايل مانها غالية كتير ..

هلق أنا أكيد بتمنى ترخص أكثر من هيك بكتير ..بس في مثل شعبي بقول "إذا الجمل بقرش وقرش مافي " يعني حتى لو رخص السعر أكثر من هيك المواطن صاحب الدخل القليل رح يلاقيها غالية ...

__________________

عيسى هي الاسعار المعروضة هوووون كلا مو صحيحة وهي اقل من الحقيقة
:يعني من نفس مبنى سيرتيل عم ناخداااااااا الاسعار هي + 50 ليرة
كيف من المحلات العامة !!!!!!!
وبالنسبة للخط لاحق الدفع وقت تجي تدفع الفاتورة بتلاقي عليك مثلا مكالمات 1000 ليرة
والرسم 600 ليرة
وشغلات ما بتعرف من وين بتجي متل :
مسابقات واغاني 400 ليرة سورية
اشتراكات ووو 250
وبتكون جايتك رسالة من الشركة للمشاركة بالمسابقات ووووماشابه بتتفاجأ لما بتجي تمسح المسج انو تسجلتلك مكالمة هيك من غامض علمك وبعدين وقت الفاتورة بتلاقي هيك ..


للعلم انا كان خطي لاحق الدفع (انا وصديقتي هون بالمكتب ) وتعقدنا من هي الاضافات فحولنا لخط مسبق الدفع وريحنا راسنا وطبعنا مو ببلاش سددنا الفواتير السابقة ...وبعدين دفعت كل وحدة 1000 ليرة وبعدين شحنا وحداااات

__________________

الاسعار هي : من نفس الشركة
-بطاقة الصلاحية المفروض بـ 152 .....السعر الحقيقي 180
- 100 وحدة عأساس 78 ليرة عم نشتريها ب 100 ليرة
- 200 وحدة " " 157 " " " 175 ليرة
- 400 وحدة " " 312 " " " 335 ليرة

__________________

هلق ليش الأسعار بتختلف بين القائمة على الموقع الرئيسي للشركة وبين المكان اللي بتشتري منوا مابعرف ..بس لقيت أنوا الرسم الشهري صار 400 ل.س بدال 600 ليرة سوري يعني اللي بيعرف حالوا عندوا أتصالات وشغل كتير على الموبايل صار أوفر بكتير
وكمان مع التخفيض بتصير سعر الدقيقة 3 ليرة سوري ..



هلق بعد كل هالحديث الطويل والمفيد أنا توصلت للتالي :
الخيار الأول :
اللي بيعرف حالوا رح يحكي يومياً مايقارب 15 دقيقة على الموبايل أو أكثر أنا بنصحوا بالخطوط اللاحقة الدفع ..يعني بيدفع 400 ليرة كل شهر وبتصير سعر الدقيقة أربع ليرات وبعد التخفيض بصير 3 ليرات ..

الخيار الثاني :
اللي بيعرف حالوا مابيحكي كثير على الموبايل وبيستخدموا بس للأمور الضرورية كثير وللرد على المكالمات أنا بنصحوا يشتري البطاقة اللي سعرها (مثل مو مذكور بموقع الشركة) 2032 ليرة سورية واللي مدتها ل 300 يوم فيها 325 دقيقة من موبايل لموبايل بدون فترة التخفيض ...

__________________

مشكورة غنوة لطرحك
الموضوع كبير و بحاجة فعلا لحل لأنو الشركتين عنا ماعاد استحوا..وبقول المتل: ان لم تستح، فاصنع ماشئت..والشباب هيك عم يعملو، من نصب بسعر البطاقات لنصب بسحب الرصيد، بعلم ومن دون علم.. وسوء التغطية
مجلس الشعب اتدخل عنا منشان شغلة كتير تافهة و هي احتساب السعر على عدد الثواني ومع هيك دخلوا معو بدوامة وعلى مبدأ قلو اي واضحاك عليه، مابردوا على حدا، بيوعدوا وبيخلفوا، وعلى أساس قريبا بدن يبلشوا بهاد الشي..العالم وين ونحن عم نناضل بشو؟؟؟!!! عندي هون منحكي ببلاش يلي عندهم نفس الخط( يعني اذا واحد عم يدق من سيرياتل لواحد خطو سيرياتل، مابيدفع ولاقرش..ونحن عم نطالب بحساب الثواني!!!!!!!!) ومنحكي على أي شركة تانية ب 3ليرات وفي عروض اني بختار رقمين من غير شركة وبحكي معهم على طول ببلاش..دقيقة الدولي موحدة وهي 7 ليرات على أي دولة بالعالم وأي شركة، سواء موبايل أو ثابت..
وماننسى تطفيش الشركتين التركية والكويتية زين، يلي الشباب طفشوهم حتى ماينزعوا عليهم بعروضهم يلي مابتتناسب أبدا مع شركاتنا..
على فكرة mtn برا سوريا غير جوا سوريا و حتى باليمن والسودان، هنيك في كل عرض خيــــــــــــــــــــــــــــــــــــــــــــــــ ــــــــــــلة، بس عنا بسوريا مدري شو القصة؟؟؟؟؟؟؟؟
غير عروض الانترنت و غيرو وغيراتو الكتيــــــــــــر

__________________

الحقيقة ياوسام إنوا اللي بيسمع على الأسعار والعروض الموجودة عندكم في أوكرانيا بيقعد بيتحسر على حالوا ..وأكيد مافي مجال للمقارنة بين الأسعار ..(لأنوا ماظل شي أرخص من البلاش !! ) وفعلاً شيء غريب أنوا تستخدم الموبايل 24/24 ساعة مجانا على نفس الشركة وبدون ماتدفع شي ...
هلق في إحدى المقابلات اللي بتحكي عن الموضوع كان الحديث عن عدد الخطوط المستخدمة للخدمة ..يعني كل مازاد العدد بتقل التكلفة ...

أنا سمعت عن هيك عرض لشركة في مصر ..بس كان في أشتراك شهري ..أما مجاني بشكل كامل فعلاً شي حلو كتير ..

ياسيدنا الله يهنيكم ..ويصير هيك عنا كمان ..

يعني أنا كنت عم حاول خفف عن الشباب وخاصة غنوة وقلهن الحال من بعضوا في دول الجوار ..بس بعد هالعرض اللي حطيتوا ياوسام بتصور رح يصابوا بصدمة كبيرة ..

__________________

__________________

انا عندي سؤال واحد "زاعجني كتير"
بما انو الوضع كتير سيء والسرقة شغالة "متل العادة"..بالاضافة لأسعار الموبايلات "العالية"..اشتهيت شوف بني آدم واحد بس بكل سورية ما عندو موبايل ..لأ ولسى بغير نوعو كل شهرين بالكتيرة .
من الزبال والحرامي ,المعلم ,والطالب والمسؤول وربة المنزل والفلاح ووووووووووووووووووووووووووووالخ.
وبالآخر مابسمع الا الشكوى !
طيب..الناس من وين عمتقدر تجيب المصاري ..اي شو عميزرعوها؟؟؟؟؟؟؟؟
عيسى..
كلامك صح بس ما تنسى انو الدرهم بيعادل 12 ليرة يعني الي راتبو 10 الف درهم او 30 او 1000 مابتفرق معو 30 فلس للدقية اما امتوسط الراتب بسورية "هدا اذا كان في راتب"
7 الاف يعني الليرة الوحدة بتكسر؟!

جودي الشغلة مو بس راتب 10 آلاف درهم ..(مابيقدر يستأجر فيهن غرفة وصالة في أبوظبي بينما أحسن غرفة وصالة بالشام بتآخذيهن ب 2000 درهم (25 ألف ليرة))

بس كمان في عالم هون راتبهن 2500 درهم وعالم 3500 درهم و 4500 درهم وهذول في منهم كثير هون والحال من بعضوا

أنا اللي لقيتوا إنوا الرواتب بشكل عام قليلة والأسعار كلها غالية ..يعني الشغلي مو بس على الموبايل ..وإذا بنقارن أسعار المكالمات مع دول الجوار (قطر والامارات) واللي سابقينا بكثير بهالخدمة على هواة معرفتي بتطلع عند بعضها الأسعار تقريباً..يعني نحنا بألف خير وخاصة إذا بنتذكر إنوا أول مانزل الموبايل كان حقوا 60 ألف ليرة (أنا مشتري الخط الموبايل ب 9000 آلاف ليرة من شي 6 سنوات على ماأذكر وهلق ببلاش بيعطوك أياه !!)

والمقارنة اللي عملتها على اللي دخلهن الشهري في سورية بحدود 50 ألف ليرة سورية ..
مثل تاجر صغير أو صاحب محل أو صاحب سيارة أجرة ملك عم يشتغل عليها أو طبيب مثلاً او صيدلي ..

رح يلاقي إنوا 2800 ليرة مقابل خدمة الموبايل بالشهر مانها مبلغ كبير (65 دولار بالشهر ) يعني 5.5 % من إجمالي الراتب

وهون بالأمارات مثلاً الفاتورة بأقل تقدير (بدون مكالمات خارجية) بتطلع 275 درهم على راتب شخص 5000 درهم (63 ألف ليرة سوري ) بتطلع نفس النسبة 5.5 % من قيمة الراتب الاجمالية

أكيد المكالمات هون أرخص بشوي بس مو بكتير ..يعني مو مثل أوكرانيا عند وسام ببلاش !!


هلق أنا برجع وبقول بتمنى ترخص الأسعار أكثر وأكثر بس حبيت آخذ و أعطي معكم وقول بالنهاية إنوامقارنة أسعار المكالمات مع أسعار باقي المواد كالمواصلات والأكل والوقود بتطلع أسعار المكالمات الموبايل عادية كثير ..

__________________