مرحبا ..وشكرا لالك ع الموضوع الحلو.
الغربتين صعبين غربة الروح متل المرض الي بيموتنا ببطئ وبصمت,بس يمكن نلاقيلو علاج لانو بالاخر هو خلل نفسي فينا نحد من الشعور فيه بمراجعة ناس مختصيين ,او بأنا نتأقلم معو او نتخلص منو بمساعدة الناس الي منحبهون ,ويمكن بأسوا الحالات "نطنش".
أما غربة الوطن فهي الألم الي ما الو علاج والي ما بينفع معو اي مسكنات.
لانو هو المرض الوحيد الي منختارو بايدنا, ومنعرف بعض نتائجو وعوارضو بس بنقنع نفسنا انو هو الحل لبدأ او تكوين حياة معينة براسنا.
وغربة الوطن بتخلينا نشعر بشكل تلقائي بغربتنا عن روحنا وبهيك منكون اخدنا جرعتين كبار من الالم بتخلي منا ناس جداد غير الي كنا عليه قد ما حاولنا نحافظ على شخصيتنا ,وقد ما حاولو الناس الي بحبونا يحافظو على صورتنا القديمة بس للاسف مابيقدرو لانها بكل بساطة"قديمة " بتشبهنا صح ,بس مو نحنا نفسنا وحتى يمكن شكلنا.
يعني غربتنا عن وطنا هي الغربة الأحلى الي يمكن نربح فيها بس هي المرض الي ما الو علاج لان لا نحنا منعود نحنا ولا ناسنا بيبقو هنن ناسنا.
والعلاج ..بخلينا نغير زمر دمنا وللاسف منكون بكامل وعيناأثناء عملية التحويل الشيء الي بخلينا نتألم أكتر حتى لو عطانا عمر جديد وحياة جديدة الي يمكن تكون احسن من حياتنا الماضية.
القصة مو فلسفة او تراجيديا بس شعور شخص بعيد عن بلدو..

القصة مو فلسفة او تراجيديا بس شعور شخص بعيد عن بلدو..
الله يرجعك بسلامة

شكرا على مرورك الجميل وردك المفصل

الشكر لالك "رابي"ع الموضوع المميز.
يمكن صرنا منفتقد لهيك مناقشات بتوعي فكرنا وبتخلينا منفتحين بعقولنا على مشاكلنا وهمومنا وحتى أفراحنا.
يعني ..بتفسح مجال للحوار الجدي.