كلنا منعرف "السوركة"او"الشنكليش"
..صحيح ريحتها مو حلوة بس من بركتها "اذا الله راد" رح ندخل موسوعة جينيس للارقام القياسية..وهون الخبر:

في سابقة تعد الأولي من نوعها ، انتهى أهالي قرية سورية من صنع أكبر قرص جبن سوركي (شنكليش) في العالم ومن المتوقع أن يدخل موسوعة جينيس العالمية للأرقام القياسية.
وذكرت وكالة الأنباء السورية الرسمية (سانا) ان أهالي الروضة في محافظة طرطوس بدأوا بصناعة قرص السوركي (شنكليش) منذ حوالي 15 يوماً ، حسب ما ورد بجريدة " القبس ".
وبلغ وزن القرص 200 كيلوجرام وقطره 248 سنتيمترا وارتفاعه 49 سنتيمترا، وتمت دراسة المنتج من قبل مجموعة غينيس والتأكد من أنه غذاء صحي وسليم.
ويعتبر السوركي (شنكليش) مادة غذائية رئيسية تصنع من الحليب بعد سحب الزبدة منه، وهو يعتبر لذلك غذاء كامل البروتين ولكنه قليل الدسم.
والجدير بالذكر أن «شنكليش» هو نوع من الأجبان أو منتجات الألبان تقطع إلى أقراص ثم تغطى بالزعتر الأخضر في بلاد الشام.

بتمنى ماحدا ينغص علينا فرحتنا " بحال تسجل النا الرقم القياسي"ويقول انو "الشنكليش"مو "سوري"

بصراحة ما عرفت وين حط هيك خبر ..لهيك ردفتو بالمنتدى الترفيهي.

بس والله انها فكرة ظريفة ..ادعوا معي
يارب نربح

على فكرة"عيسى"مابعرف ليش صار معي العنوان بهالشكل.

الحق معك جودي العتب على قرص الشنكليش مو عليك ..ريحتوا وصلت لعندي و من هلق وطالع ماعد حدا رح يعرف يكتب عنوان بهالمنتدى ....

----------------------------
بس برافوا عليهن .. ياسيدنا شنكليش ..مكدوس .. مخلل ...شو ماكان المهم أنوا هالعالم اللي عايشي برا تبلش تسمع صوتنا .. وأول الطريق قرص شنكليش ..

__________________

شكرا "عيسى"ع التعديل.
عجبتني الجملة"أول الطريق قرص شنكليش "..كانت بتصير عنوان مميز للخبر.

هلا رولى..وانشالله نربح
ويمكن بلشنا نتحرك بموضوع الجبنة واللبنة والقريش متل ما قلتي

إنشاله نربح ؟؟ ... إنشاله نربح ؟؟؟؟؟؟؟؟؟؟؟؟؟؟؟؟؟؟

شبكون ولك يا الله شو بدكون تربحو ؟.... ولك قرص شنكليش هادا؟ قرص شنكليش....
لا مبارة كرة قدم ولا مسابقة علمية ... ولك قرص شنكليييييش
وكمان كتاب غينيس ال2009 طلع وما فيه هالخبر ... بينلامو جماعة غينيس ... معقول ينسوا هالأنجاز المهم ويروحو يلتهوا بأمور العلم والفضاء ...!!!! .... بينلامو بصراحة

بعتذر جودي ( ذكر أو إنثى) ... لا (تفهم أو تفهمي) إني عم إتمسخر ع موضوعك أو (عليك أو عليكي), لا والله بس بتضايق لما بشوف غهتمامات سوريا الخطيرة لوين عم تتوجه

ع كل حال مرة تانية بعتذر كتير وشكرآ وباي

ولو فراس مافي شي مستاهل.
طبعا معك حق مية بالمية بالي عمتقولو بس بصراحة مو غلط يعني شنكليش ولا غيرو شو المشكلة .
طبعا كلنا منتمنى انو تكون القصة عن اختراع او بحث علمي او...بس وين..يعني المعنيين ماعندون الاهم وتركوه وراحو اهتمو بالشنكليش ؟!
بعدين ماتنرفز كتير ياسيدي انشالله نربح بلكي بتهدي شوي.
وماتنسى انو الخبر موجود بقسم الضحك والابتسامات,كيف لو نزلتو بقسم التكنولوجيا؟!!!!

رجاء خااااص يا جماعة ... صرلي فترة متوتر و مو ع بعضي ... بس بدي أطمن إنشاله مشي الحال وربحنا ؟