*بيفهم في الطب وبيشخص المرض وبيوصفلك الدوا وبيفهم في الكهربا وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد .
*بيحط الريموت كونترول في كيس نايلون حتى ما يتغبر ولا يضيع *بيوقف يتكلم على الباب نص ساعة بعد إنتهاء الزيارة والسلام *في خزانة المطبخ عنده عشرين مرطبان مربى فاضي منشان اذا احتاجيستخدمها ومازال مُصِر على جمع المزيد.
*ييجي بعد الموعد بساعة وربع دون ان يعتذر.
*يتكلم بصوت عالي في المكالمة الدولية منشان التاني يسمعه .
*بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.
*بيحتفظ بأكياس محلات اللبس والأحذية وورق الهدايا تحت فرشة التخت لسنوات.
*عنده صينية مكسرات مقسمة لتلات او أربع أقسام منشان المزاج لكن لايستخدمها ابدا.
*بيشتري قبل الإفطار في رمضان مواد استهلاكية متوفرة عنده في البيت


*

__________________

و بضيف انو اكتر طالب أجنبي محبوب و محترم و معروف بذكائه بالجامعة بأوكرانيا
مشكور عيسى, بس شو عرفك بقصة الأكياس تحت فرشة التخت

__________________

عيسى ما بتزبط هي بيكون مشغول بالبقشيش و اكثر واحد عنده كرامه
فسر لي هي و شكرا

أما البقشيش منتشر بشكل فزيع

__________________

أهلا حامد :
مو أنا اللي كاتب هالكلمات (إيميل من صديق) والحقيقة أني مابعرف مين الكاتب بس بما أني اللي ناقل الموضوع على المنتدى رح جرب وصلك شو بيقصد الكاتب ..

بالنسبة للبقشيش نوع من الدعابة بين الأصدقاء وقت الدفع بالمطاعم والكافتريات وخصوصي بين الشباب مو بالضرورة أنك تعمم ..

وبالنسبة للكرامة شيء أكيد ... (يمكن بيقصد فريق الكرامة بسورية - فريق كرة قدم عنا بحمص - ) نحنا مميزين بالكرامة ..

ومثل مابقولوا المعنى بقلب الكاتب واللي عندوا تفسيرات ثانية يحاول يضيفها ..

__________________

حامد أنا بفسرلك.. عم نقول بقشيش مو شحادة!!!! يعني بينتظر يجيه مصاري بس مابيركض وراها وشو ماكانت 25 ولا 50 بياخدها بطيب خاطر..
وبالنسبة للبقشيش منتشر بكل مكان بشكل (فزيع) على قولتك، عنا وعندكم وهون كمان بأوروبا وبأكدلك بكل مكان بالدنياو بظن انك بتشاركني الرأي بانو لما تعطي حدا بخشيش ولا بقشيش (متل مابدك) فانت ماعم تنقص من كرامته! صح؟؟؟

__________________

هلأ انت عم تشمل الذكور والإناث