| |||||||
| منتدى الترحيب والأعضاء الجدد منتدى الترحيب بالأعضاء الجدد ليتعرف الأعضاء على بعضهم البعض ويكونوا صداقات جديدة .. |
| ملاحظة: للحصول على نسخة من الموضوع الرجاء مراسلة الكاتب .. |
 |
| | LinkBack | أدوات الموضوع | طرق مشاهدة الموضوع |
20-05-2009, 01:29 AM
| |||
| |||
   انشالله أبو العيس بتكون مرقت على خير أما أنا شايف بالاضافة لطبيعتك السورية في طبيعة لبنانية لأنو نحنا هون في لبنان صار في طبعنا أنو نسوق بسرعة ونتجاوز على اليمين وما نوقف عالاشارة وكلو مستعجل وبدو يصل قبل الثاني وشوبدي خبرك لأنو الخبرية مارح تخلص وما تصدق غنوة.  |
|
20-05-2009, 09:51 AM
| ||||
| ||||
|
غنوة : لأنوا متصبحين بوجه حلو ماأكلنا مخالفة الصبح, بس ذكرتيني بهالمحاورة الغنائية بين أبومرعي وسلمى أيه مين ؟ أنا سلمى شو قلتي ؟ -هيدي سلمى.... يا بو مرعي - كيفيك كيفك يا سلمي ؟ - نشكر الله .. - شو قلتي ؟ - عم بتقلك نشكر الله - يا مسكين يابو مرعي شو سمعوا تقيل .. عصام : التنظيم المروري والشوارع هون بتفرض عليك الإلتزام ..يعني ممكن بسورية و لبنان بيشبهوا بعض كتير بالشوارع وممكن مخالفة صغيرة مابتبين بين هالعجقة .. بس ياسيدنا هون ممكن تجاوز بسيط يعمل حادث ..والوقفة الغلط بتحس حالك مثل النار على راس الجبل كلوا عم يتطلع عليك .. وإذا عندك شي خبريات على الطرقات أو مع شرطة المرور بلبنان خبرنا عنها .. ترى بالمنتدى هون الشباب سميعة من الطراز الأول (عم هزهم بلكي بيكتبوا ). وصباح الخير عن جديد للجميع .
__________________ على الله تعود بهجتنا والأفراح ..... |
|
20-05-2009, 10:34 AM
| |||
| |||
|
والله..الله سترها معك عيسى بالمناسبة قريت هالخبر : تغريم رئيس باراجواى 104 دولارات لخرقه قوانين المرور غرمت شرطة المرور فى باراجواى رئيس الدولة فرناندو لوجو والزمته بدفع 104 دولار لقيامه بخرق قوانين المرور سيرًا دون ترخيص. وقال ادواردو بيتا رئيس إدارة الطرق السريعة في شرطة المرور بباراجواى إن الرئيس لوجو كان يقود سيارة من طراز "فورد اكسبلورار" لم تكن تحمل لوحة معدنية، وقامت بتجاوز سيارة أخرى على الطريق السريع بصورة غير قانونية. وأضاف "لقد اقتربت من سيارة الرئيس وفسرت سبب إيقافى له، وطالبته برخصة القيادة الخاصة به، لأجد أنها قد انتهى سريانها".  |
|
21-05-2009, 02:53 AM
| |||
| |||
| نحنا مافينا نخليك زعلانة يا ست غنوة انشالله غدا" ما بتكوني زعلانة ولا حتى ششششششوي  . بالنسبة للطرق بلبنان منها كتير مليحة يعني مافي جور وعريضة ومزفتة بدون غش ومنها كلها جور ومطبات لدرجة بتحس أنها معمولة لتكسير سيارتك وأما الشرطة (الدرك) فهون بحطوا حواجز طيارة وأكثرها باليل من أجل يسألوا عن الأوراق فيجب أن تكون السيارة باسم اللي عما يسوق أو معو وكالة رسمية وغير هيك بتنحجز السيارة لأنو صار ولازال في سرقة سيارات وكمان اذا مانو حاطط حزام الأمان بينعملو ضبط بخمسون ألف ليرة وبيسحبوا منو دفتر السواقة لحتى يدفع الضبط بدون حسم أي نقاط لأنو هون مافي هالشي وأحيانا" بفاجؤوك بحاجز طيار على الأوتسترادات أسمو حاجز رادار اللي سرعتو فوق (110كم) أيضا" بينعملو ضبط بتفس القيمة (50000ل.ل) بس هون بيتفادوا هل الحاجز بطريقة زكية ورح خبرك يا أخ عيسى وللجميع لأذا فكرتوا تزوروا لبنان بسياراتكم وتتفادوا ضبط الرادار بتشوفوا على الأوتستراد من الطريق المقابل السيارات بترفع الضو العالي خصوصي سيارات الأجرة والباصات هذا يعني وجود رادار خفف السرعة! |
|
24-05-2009, 12:01 PM
| ||||
| ||||
|
شو وين ما في حدا مسجل حضور اليوم : عكل صباح الخير للجميع واليوم انا شايفته كتييير حلو ...وخاصة اني قدرت اتغلب على صاحب العمل يلي طلب مني ارسملو لوحة ولاول مرةب حياتي قبلت بهيك مشروع.... شوبدكم بالحكي والله موتني وما بتصدقوا انه عندو اموااااال ومطاعم وفنادق ما بتاكلا النيران وصرلي عم ارسملو ب 5 لوحات طويلة عريضة اكتر من شهرين وعلى شو مبلغ بضحك وكل يوم بقلي حطيلي شمس طالع منا أشعة ... او حطيلي طير هون كبير شوي ... حطيلي حصان جنب الجمل .. بعدين قلت لحالي يابنت اربطي الطير مطرح ما بدو الحمار صاحبه ورسمتلو يلي بدو ياه المهم طالعت حقي البسيط من عيونه ومشيت
__________________ معاً........ لنرفع راية بلدنا......عاليا  |
|
26-05-2009, 10:51 AM
| ||||
| ||||
| صباح الخير :رح قول صباح الخير ومتأكدة ما حدى رح يرد علي كل يوم بفوت على المنتدى الصبح الساعة 8,30 وبتوقع لاقي شي عالاقل 4أعضاء متواجدين ومافي غير بفوت وبطلع بفوت وبطلع طيب شو قصتكم ليكون الموقع نايت وانا مو عارفة يعني معقول ما عم تفوتوا للمساء لاتقولوا مشاغل ودوام وووو هالحالة ما عجبتني
__________________ معاً........ لنرفع راية بلدنا......عاليا |
|
26-05-2009, 11:03 AM
| ||||
| ||||
|
صباح الخير ضحكتني كلمة ( نايت ) على هالصبح بدك باقي العالم تفهمها غنوة أنا عندي الليل هوي الوقت الأنسب لتصفح الإنترنت والمنتدى ..بس طبعاً بدخل على المنتدى بأول فرصة متاحة خلال النهار (مثل هالوقت اللي عم أكتب فيه الرد في الصباح )وطبعاً السبب بكل تأكيد العمل والعمل والعمل ... لأنوا بأيام العطل مافي أوقات محددة للدخول مثلاً إنتي مالمحت إسمك ولا مرة بالفترة المسائية ..!! لأنوا على الأكيد ظروفك مابتسمحلك ... يعني الإنسان أكيد مابيقدر يقعد على الكمبيوتر 24/24 ساعة باليوم ,وطبعاً لازم ماننسى فرق التوقيت بين البلدان . والحقيقة أنابسجل إعجابي بحرصك على تواجد الأعضاء ودفعهم للتواصل والمشاركة من خلال أكثر من موضوع ..وبتمنى أنوا تضلي هيك على طول.
__________________ على الله تعود بهجتنا والأفراح ..... |
|
26-05-2009, 06:12 PM
| ||||
| ||||
| اقتباس:
 غنوة ماتزعلي بس هاد الواقع يعني أنا بالصدفة اليوم خلصت بكير وهلق اجيت، يعني 8.30 أنا بكون بالجامعة ومافيني ادخل مع اني بتمنى بس شو منقدر نعمل و متل ماقلك عيسى يعني انتي مثلا بعد 3.10 مافيكي تدخلي وبأيام العطل... يعني كل واحد و ظروفه.. والله يعين الجميع على مشاغلهم وهمومهم. مساء الخير
__________________ وسلمنتري  |
|
| الكلمات الدليلية (Tags - تاق ) |
| أخبار , امتحان , دراسة , يومي , شؤون |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| أستفسار بخصوص طريقة وأوقات شرب الدواء | Issa | المنتدى الطبي والصحة العامة | 7 | 08-02-2010 11:56 PM |
| احذر من شرب الدواء بملعقة الأكل العادية (دراسة طبية) | Issa | المنتدى الطبي والصحة العامة | 1 | 09-01-2010 12:06 AM |
| نـصائـح مهمة فى الإستخدام اليومي للهاتف الجوال | wessam | المنتدى الطبي والصحة العامة | 3 | 30-06-2009 11:46 AM |
| الزواج في الريف( قصص واقعية من حياتنا اليومية ) | Samer | منتدى المجتمع | 6 | 21-05-2009 01:53 AM |
الساعة الآن 11:02 AM.
