مبروك النجاح أخ وسام وعاقبال كل المواد المتبقية وكمان مبروك لأخوك يا غنوة النجاح وكلو ونحنا ناطرين تشريفك أخ عيسى على لبنان أنت وكل اللي بشرف معك لأنو المكسب معنا وعلى قكرة هالصيفية رح تكون حلوة كتير

شكراً على الدعوة أخ عماد ..
اليوم كان مميز وخصوصي في شب صديقنا في أحتمال يستلم سيارة جديدة ..كان صارلوا فترة حاطط عينوا عليها .
مشان هيك إذا أستلم السيارة أكيد رح يكون في عزيمة محرزة ..
الكل معزومين على حساب العريس ..وطبعاً السيارة هيي العروس

__________________

__________________

اليوم كان نهار مميز و حلو ..
كانت الطلعة على دبي فترة الظهر وكان الطريق فاضي تقريباً بالروحة لأنوا اليوم كان عطلة ..كانت الوجهة على مرسى دبي قضينا شوي وقت ..وطلعنا مباشرة على منطقة الجميرة ..المنطقة كتير حلوة للي مابيعرفها وفيها مطاعم كتير تغدينا همبرغر على الماشي ..وكفينا على دبي مارين ..
الحقيقة هناك الواحد بيحتار وين بدوا يقعد لأنوا كل كلوا كفتريات ومطاعم على البحر وكل وحدة أحلى من التانية ..المهم أخترنا كفتريا بسموها الخيمة كتير حلوة .
شربنا نفس أركيلة وعصير وهيك سرقنا الوقت شي تلات ساعات وبعدها حملنا حالنا ورجعنا ..
وعلى الطريق حبينا نكحل عيونا بفندق أتلانتس مشان هيك مرقنا على جزيرة النخلة ..وبعدها رجعنا على أبوظبي ..
مشوار حلو ..بس تجوا لعنا بنبقى بنعزمكم ..

__________________

صباح الخير

تحية الى وسام
..بتمنى انو ماتكون نسيتنا ولا حتى تناسيتنا وتفوت على المنتدى بأقرب وقت لانك بصراحة زودتا ...زودتا كتيير

مو يعني اذا رجعت حضرتك على بلدك وشفت أهلك جلست مع الماما بتنسى المنتدى وأصحابك...عيب ..بعدين بصير معك تمام متل المتل يلي بيقول من لقى حبابو نسي صحابو ""


"اوعك ياوسام صحيح ما صرلك غير عشرأيام بس كتير كتير علينا نحنا عشر أيام تترك المنتدى ...فهمان

__________________

والله اليوم شوب شوب شوب أكثر من أي وقت تاني إلا بالمنتدى الحرارة منخفضة والأجواء هادئة يمكن من قلة الحركة ..
شو وين الشباب والصبايا ..كلوا ملتهي بالإجازات ..

موفيقين بس في منهم مانزل إجازة وكمان ما عم يفوت إلا طلات سريعة ..

بنشفوفكم جميعاً ..

__________________

السلام عليكم اخ عماد وانكان التهنئة متاخرة على شراء السيارة لكن بما أنه انا عضو جديد وصديق جديد فتهنئتي تكون جديدة وطازجة أرجو أن يكون مذاقها طيبا في قلبك..... أخوك محمد الطيب

فكرة جيدة ياعيسى وهذي مشاركتي ......

الصبح ينير بمملكتي فيضيء ويمزج الواني
والصبح يجيء فيحرمني احلى بل اروع احزاني
ويجيء اليل فيخبرني اني انسان الانسان
الصبح بروحي ظلمته واليل ينير بوجداني
والظلمة تهمس في صمت كي انشد احلى الحاني
احتاج الصبح لكي احيا احداثا تملأ وجداني
واليل بشوق اطلبه عشق يغشاني يغشاني
ياوجهك يحمل مثلهما فيزيد بربي ايماني

صباح الخير على الجميع
اليوم الجمعة مثل العادة في عندي أكثر من ثلاث ساعات متواصلة بقضيها بالتصفح المواقع والأخبار الجديدة مع فنجان قهوة المفضل (تركش كافي على قولة أخواتنا البنغاليين)..
بس الحقيقة بعدنا ناطرين الشباب فراس ووسام وجودي كمان وباقي الجوقة ..
شو وينكم لزقتوا وماعاد تعرفوا ترجعوا ..

__________________

فراس ووسام صاروابالشام يا عيسى اما جودي الله اعلم وين عم تقضي اجازتها الصيفية

__________________